Fjöldahreyfing vina og vandamanna

Birgitta Jónsdóttir fékk heil 160 atkvæði í fyrsta sætið í prófkjöri Pírata í Reykjavík og hafði þar betur en allir aðrir.

Haldi velgengni Pírata áfram í skoðanakönnunum, en flokkurinn mælist sá stærsti í landinu lengi vel á kjörtímabilinu, mun Birgitta Jónsdóttir fá heimboð á Bessastaði til að taka með sér umboð til stjórnarmyndunar í lýðveldinu.

Það má drýgja 160 atkvæði.

 

Oddviti Pírata fékk 15,5% í fyrsta sætið

Bretar sáttir við Brexit - ESB stækkar ekki næstu 4 árin

Bretar tóku ákvörðun um að yfirgefa Evrópusambandið í þjóðaratkvæðagreiðslu í sumar. ESB-sinnar í Bretlandi, embættismenn í Brussel og ýmsir aðrir, t.d. Obama Bandaríkjaforseti, ráðlögðu Bretum að hafna Brexit.

Breska þjóðin var á öðru máli og samþykkti Brexit. Formlegar viðræður um útgöngu Breta eru ekki hafnar enda gerir Evrópusambandið ekki ráð fyrir að nokkurt ríki yfirgefi félagsskapinn.

Evrópusambandi er með böggum hildar eftir Brexit. Stækkunarstjóri ESB segir að engin ný ríki verði tekin tekin inn fyrr en í fyrsta lagi eftir 2020. En hér á Íslandi ætlar nýr stjórnmálaflokkur, Viðreisn, að taka upp viðræður ESB um aðild. Óskhyggju í stjórnmálum eru engin takmörk sett.

Telja Bretland vera á réttri leið

Viðreisn býður fram ESB-óheiðarleika

Viðreisn er stjórnmálaflokkur óheiðarlegra ESB-sinna. Í einu orðinu segjast þeir Evrópusinnar en í hinu að þeir vilji aðeins ,,halda áfram að kanna hvort það sé rétt fyr­ir Ísland að ganga í Evr­ópu­sam­bandið," eins og Páll Rafnar Þorsteinsson orðar það í viðtali.

Evrópusambandið býður ekki upp á ,,könnunarviðræður" um aðild, aðeins aðlögunarferli. Evrópusambandið segir skýrt og skorinort að ekki sé hægt að semja um aðlögunarferlið, aðeins sé samið um tímasetningar á yfirtöku umsóknarríkis á laga- og regluverki ESB. Aðlögunarferlið felur í sér eftirfarandi:

Skilyrði og tímasetning á aðlögun, innleiðingu og framkvæmd umsóknsóknarríkis á öllum gildandi reglum ESB (acquis)...sem ekki er hægt að semja um
The conditions and timing of the candidate's adoption, implementation and enforcement of all current EU rules (the "acquis")...They are not negotiable

Vinstristjórn Jóhönnu Sigurðardóttur reyndi að sækja um aðild Íslands að ESB árið 2009. Þrem árum seinna, áramótin 2012/2013, rann umsóknin út í sandinn vegna þess að ESB krafðist aðlögunar Íslands að regluverki ESB. Vinstristjórnin sjálf gafst upp á ferlinu.

Núna býður Viðreisn upp á sama óheiðarleika og Samfylkingin, um að hægt sé að ,,kíkja í pakkann".

Heiðarlegir ESB-sinnar vilja Ísland í Evrópusambandið og færa fyrir því rök. Óheiðarlegir ESB-sinnar segjast vilja ,,kanna hvort það sé rétt fyrir Ísland að ganga í Evrópusambandið." Hægt er að ræða við heiðarlega ESB-sinna, en þá óðheiðarlegu verður að afhjúpa.

Vantaði alltaf samastað í pólitíkinni

RÚV endurvinnur Bylgjuefni

Fyrsta frétt RÚV í hádeginu var endurvinnsla á viðtali í Bylgjunni við formann Framsóknarflokksins. Það er liðin tíð að RÚV bjóði upp á viðtalsþætti sem bragð er af, líklega vegna þess að ríkisútvarp vinstrimanna leggur meira upp úr rétttrúnaði en fréttaefni.

Þegar dagskrárgerðarmenn RÚV sinna öðru en endurvinnslu eru þeir sjálfir í aðalhlutverki vegna ófagmennsku og smekkleysis.

Fréttastofa RÚV er í verulegum vanda sem er svo samgróinn og rótfastur að engin leið er að stofnunin sjálf vinni bug á. Ráðuneytið sem ber ábyrgð á RÚV getur ekki látið stofnunin ganga sjálfala þegar hvert stórslysið rekur annað. 

Aldrei upplifað eins mikinn stuðning

Ósýnileg hönd Birgittu pírata

Birgitta Jónsdóttir er eini atvinnustjórnmálamaður Pírata. Hún er formaður þingflokksins og með setu á alþingi allar götur frá 2009. Píratar eru með þá stefnu að atvinnuþingmennska sé ekki af hinu góða.

Þeir Jón Þór og Helgi Hrafn þingmenn Pírata hlíta báðir stefnu flokksins og hætta á alþingi, Jón Þór raunar áður en kjörtímabilinu lauk. En Birgitta situr keik og ætlar sér kjörtímabilið 2016-2020.

Píratar sem ekki ná framgangi í prófkjöri kæra það til Birgittu. Ósýnileg hönd Birgittu getur breytt bæði yfirlýstri stefnu og prófkjörsniðurstöðu. Eins og dæmin sanna.

Píratar kjósa aftur í NV

RÚV heldur áfram herförinn gegn Sigmundi Davíð

Eyjan er með fyrirsögn á frétt um val á framboðslista Framsóknarflokksins í Norðausturkjördæmi. Fyrirsögn Eyjunnar er ,,Allir þingmenn Framsóknar vilja efsta sætið".

Fyrirsögn Eyjunnar er fagleg og hlutlaus. Eyjan vísar í frétt á RÚV þar sem fyrirsögnin er allt annað en fagleg og hlutlaus: ,,Þrjú bjóða sig fram gegn Sigmundi Davíð".

Til að sjá hlutdrægni RÚV má bera fyrirsögnina saman við frétt mbl.is um baráttuna um efsta sætið í Suðvesturkjördæmi á lista Samfylkingar: ,,Margrét og Árni vilja 1. sæti". Í fyrirsögn mbl.is er ekki tekin afstaða. Árni Páll situr í fyrsta sæti og er fyrrverandi formaður. Fyrirsögn í anda RÚV-herferðar gegn formanni Framsóknarflokksins væri svona; ,,Margrét gegn Árna Páli."

RÚV leggur sig fram um að gera Sigmundi Davíð allt til miska eins og áður er rekið.

Viðreisn vasaútgáfa Sjálfstæðisflokksins

Viðreisn er vasaútgáfa Sjálfstæðisflokksins. Til móðurflokksins sækir Viðreisn bæði málefni og frambjóðendur.

Eina sem skilur Viðreisn frá Sjálfstæðisflokknum er afstaða til aðildar Íslands að Evrópusambandinu.

Viðreisn getur illa gert aðild að Evrópusambandinu að baráttumáli. Ekki er til vinsælda fallið að bjóða Íslendingum í leiðangur í brennandi hús ESB.

Líkur eru á að Viðreisn muni skilgreina sig til vinstri við Sjálfstæðisflokkinn og sækja á kjósendamið Samfylkingar.

Lykillinn að hjóla ekki í sjálfstæðismenn

Framsóknarhatrið á RÚV

Herferð RÚV gegn formanni Framsóknarflokksins, Sigmundi Davíð, Wintris-málið, er mörkuð illvilja. Ljót orð fréttamanns RÚV um varaformann Framsóknarflokksins og forsætisráðherra, Sigurð Inga, eru sömu ættar.

Félagssálfræðileg greining á framsóknarhatri RÚV-ara myndi án efa finna merki um kratakúltúr í stofnunninn sem bæði nærist á andstyggð á landsbyggðinni og frumatvinnuvegum þjóðarinnar. Framsóknarflokkurinn er talinn sjálfsagður skotspónn fordómanna sem þrífast á RÚV.

RÚV er síðustu daga að búa sér til formannskandídat í Framsóknarflokknum, sem er Eygló Harðardóttir. Hún fékk vinsamlega frétt um sig í Speglinum í vikunni og var í beinni útsendingu í hádegisfréttum RÚV í gær um lítilfjörlegt mál. Eygló fer fyrir kratadeildinni í Framsókn og stendur þar með fréttastofu RÚV nærri.

Fordómar en ekki fagmennska ráða ferðinni hjá fréttastofu RÚV. Og fordómarnir beinast sérstaklega að Framsóknarflokknum, eins og dæmin sanna.

Segir ummælin sýna andúð á Framsókn

Eygló vill einkavæða flóttamannahjálp

Eygló Harðardóttir félagsmálaráðherra leggur til einkavæðingu móttöku flóttamanna, samkvæmt minnisblaði á ríkisstjórnarfundi.

Einkavæðing móttöku flóttamanna felur í sér að ríkið kaupi verktaka er sjái um flóttamennina, fæði þá og klæði og komi sér fyrir í nýju landi. Verktakarnir munu hafa hagsmuni af því að taka á móti sem flestum flóttamönnum.

Einkavæðing fljóttamannahjálpar er varhugaverð þróun, svo vægt sé til orða tekið.

Píratar og ofbeldishöfuðborgin

Píratar ásamt vinstriflokkunum stjórna Reykjavíkurborg. Ekki nóg með að innviðir borgarinnar, gatnakerfi og skólar, séu að hruni komnir heldur ríkir þar ofbeldi og lögleysa.

Skyldu Píratar hafa áhyggjur af þróun mála í höfuðborginni, þar sem þeir sitja við stjórnvölinn ásamt Vinstri grænum og Samfylkingu?

Nei, ekki aldeilis. Talsmaður Pírata á alþingi reynir að dreifa athyglinni frá ömurlegu ástandi höfuðborgarinnar með því að efna til umræðu um kynferðisbrot á þjóðhátíð í Vestmannaeyjum.

Þú ættir að líta þér nær, Helgi Hrafn.

Fleiri ofbeldisbrot á höfuðborgarsvæðinu