Ferðaþjónustan vill lakari lífskjör á Íslandi

Ferðaþjónustan biður um lægra gengi krónunnar og lakari lífskjör til að lokka fleiri erlenda ferðamenn til landsins. Almannatenglar á snærum ferðaþjónustunnar búa til fréttir um að eymd og volæði blasi við ef feraþjónustan borgar skatt eins og aðrar atvinnugreinar.

Ferðaþjónustan vill verða farþegi á breiðum bökum vinnandi fólks; fá lægra gengi og skattleysi.

Ekkert mark er takandi á væli feraþjónustunnar. Gengi krónunnar ræðst af framboði og eftirspurn og allir Íslendingar, bæði almenningur og fyrirtæki, verða að búa við sama gengið. Þá er út í hött að ferðaþjónustan borgi lægri skatt en aðrar atvinnugreinar. Atvinnugreinin nýtir sér innviði landsins og skal því borga til samneyslunnar eins og aðrir. Einngi hitt að lægri skattur á eina atvinnugrein er ávísun á offjárfestingu.

Í stað þess að fara fram með lygum og blekkingum væri ferðaþjónustunni nær að taka til í eigin húsi og gera atvinnugreinina ráðsetta en ekki hluta af neðanjarðarhagkerfinu.

Taka Noreg fram yfir Ísland

Athugasemdir

[Birgir Örn Guðjónsson, 9.5.2017 kl. 07:28]

Mæli frekar með að ferðaþjónustan LÆKKI álagningu á þjónustu sinni.

Ekki nóg með að ferðaþjónustan fái milljónir inn vegna lægra skakkþreps, heldu hitt að þeir eru með svakalega álagningu á þjónustuni.

Græðgin er að drepa þetta niður ekki sterk Króna.

[Ómar Ragnarsson, 9.5.2017 kl. 07:52]

Fyrirmyndina fékk ferðaþjónustan hjá þeim sem mærðu hrikalegt fall krónunnar í Hruninu með tilheyrandi mestu skerðingu kaupmáttar og lífskjara í manna minnum.