Krónan og svokölluð höft

Krónan er besta verkfæri íslenskrar hagstjórnunar. Eftir misheppnaða alþjóðavæðingu íslensku bankanna, sem kölluð var útrás, sá krónan til þess að efnahagskerfið lagaði sig að efnahagslegum veruleika. Án krónu værum við föst í grískum harmleik með evru og eymd.

Höftin sem lögð voru á fjármagnsflutninga milli landa eftir hrun beindust aðeins að stórnotendum gjaldeyris. Almenningur fann ekki fyrir höftum, hvorki á ferðalögum í útlöndum né í viðskiptum við netverslanir.

Krónan er Íslendingum gulls ígildi.

Færir ástandið til eðlilegs horfs

Athugasemdir

[Ívar Pálsson, 17.8.2016 kl. 09:03]

Hverju orði sannara, Páll. Krónan er mikilvægt stjórntæki og er einn þriggja helstu þátta sem lagar efnahagshrun: Gengi sjálfstæðs gjaldmiðils, niðurfærsla skulda og niðurskurður hjá ríkinu. Jafnvel Svíar ríghalda í krónuna sína.

En nú er lag að lækka vexti, annars æðir lausafé heimsins inn til Íslands á methraða og plat- styrkir krónuna aftur með þekktri lokaniðurstöðu.

[Jón Þórhallsson, 17.8.2016 kl. 11:05]

Það er eflaust hægt að nota krónuna áfram svo framarlega sem að íslenska ríkið þurfi ekki að vera að baktryggja/bera ábyrgð á mörgum einkabönkum.