Katrín Júl: vinstristjórnin sagði ósatt

Ríkisstjórn Jóhönnu Sigurðardóttur var minnihlutastjórn nær allan síðari hluta kjörtímabilsins 2008 til 2013. Þetta viðurkennir varaformaður Samfylkingar, Katrín Júlíusdóttir, á fundi á Egilsstöðum.

„Við vorum í raun minnihlutastjórn síðustu átján mánuðina en sögðum það aldrei hreint út."

Austurfréttir segja frá þessum ummælum varaformannsins. Ríkisstjórn Samfylkingar og Vg harðneitaði að hún væri komin í minnihluta á alþingi og hökti langt fram yfir lífdaga sína.

Viðurkenning Katrínar er játning á ósannindum ríkisstjórnar Jóhönnu Sig. um að starfhæfur meirihluti væri á alþingi.

Athugasemdir

[Ragnhildur Kolka, 20.2.2015 kl. 09:18]

Þetta var nú opinbert leyndarmál eins og kerlingin segir.