Tilfallandi athugasemdir

Mánudagur, 18. júní 2012

Leyniplagg: 10 ára samrunaáætlun ESB

Grikkir munu áfram fá hjálp frá Evrópusambandinu enda breyttu þingkosningarnar engu um 22 prósent atvinnuleysi, ríkisskuldir sem nema 131 prósenti af þjóðarframleiðslu og neikvæðan hagvöxt. Skuldakreppan er hvergi nærri liðin hjá og mun enn kosta skattgreiðendur ótalda milljaðra, segir þýska FAZ.

Til að verja evruna er aukinn samruni þeirra 17 ríkja sem nota gjaldmiðilinn nauðsynlegur. Í Brussel eru gerðar áætlanir sem stundum fá heitið ,,no-paper" eða ,,ekki-skýrsla" vegna þess hve innihaldið er viðkvæmt.

Telegraph birtir leyniplagg frá Brussel þar sem drög eru lögð að tíu ára áætlun um samruna Evrópusambandsins er fælu í sér sáttmálabreytingar til að ná fram aukinni miðstýringu á ríkisfjármálum evru-ríkja.

Aukin miðstýring á ríkisfjármálum felur í sér stórfellt afsal á fullveldi til ESB. Þau tíu ríki sambandsins, sem ekki eiga aðild að evru-samstarfinum, munu fyrr heldur en seinna hrökklast úr Evrópusambandinu.