Viðskipti í lénskerfi og tungur tvær

Sigmundur Ernir Rúnarsson er einn af þingmönnum Samfylkingarinnar og talar með tungum tveim líkt og margir þeirra. Hann skrifar á heimasíðu sína

Bjóst einhver við því að handhafar kvótans yrðu ánægðir með nýtt frumvarp um breytingar á fiskveiðistjórnunarkerfinu? Auðvitað ekki. Harmagráturinn stafar af því að það er verið að afnema forréttindi … í hægum, en öruggum skrefum. Brátt er nákvæmlega þetta að baki: Lénskerfi, íslenskra, útvalinna.

Tungulipurð Sigmundar Ernis er með réttlætið á hreinu. En svo fer Sigmundur Ernir út á land og hittir fyrir fólk sem hafur vinnu af sjávarútvegi. Þá er komið annað hljóð í strokkinn og þingmaðurinn kveðst aldrei ætla að samþykkja frumvarpið sem áður hét réttlætismál.

Lénskerfið í bloggfærslunni verður að viðskiptarekstir á fundi úti á landi.

Sigmundur Ernir talar með tungum tveim og sitt með hvorri. Þingmaðurinn hefur enga sannfæringu aðra en þá að hann vill þægilega innivinnu og komast reglulega í golf og kokteilboð.

 

Athugasemdir

[Jón Steinar Ragnarsson, 28.5.2011 kl. 19:53]

Eru þær ekki báðar drafandi?

Hann er ekki eins flinkur og þeir sem hann sakar um að snúa sér 360 gráður. (sem þýðir engin breyting) en hann er greinilega meistari í 180 gráðu snúningnum sjálfur.