Össur leitar að hækjum

Össur Skarphéðinsson er frá áramótum í stöðugri leit að samstarfsflokki fyrir ríkisstjórnina. Fyrst leitaði hann til Framsóknarflokksins en var hryggbrotinn og undanfarið liggur Össur utan í Bjarna Ben. og býður  nýja ríkisstjórn hvorki meira né minna. Þar yrði Jóhönnu fórnað, Bjarni Ben. fengi forsætis og Össur utanríkis til að halda áfram helferðinni til Brussel.

Bjarni Ben. er lamaður formaður og fengi ekki Sjálfstæðisflokkinn með sér í stjórn með Samfylkingu. 

Össur þreifar þess vegna á einstökum þingmönnum um að koma til liðs við stjórnina. Guðmundur Steingríms og Siv Friðleifs í Framsóknarflokki eru líkleg og Birgitta og Margrét úr Hreyfingunni.

Völd í nokkrar vikur - í mesta lagi mánuði - til að lappa upp á ónýta ríkisstjórn sem þjóðin keppist við að hafna er tilboðið sem Össur leggur fyrir staka þingmenn. Hver getur hafnað slíku kostaboði?

Styrkur ríkisstjórnar metinn

Athugasemdir

[Helga Kristjánsdóttir, 11.4.2011 kl. 09:45]

   Mér fannst ég skynja  á Margréti í umræðum eftir að þjóðin felldi Icesave,að nú hefði hún fengið tilboð,sem hún vildi ekki útiloka. Þannig leit Bjarni út rétt fyrir sinn snúning í Icesave.

[Vilhjálmur Stefánsson, 11.4.2011 kl. 09:47]

Ég gæti vel trúað því að Bjarni Ben mundi halda áfram sviksemi -sinni.

[Elín Sigurðardóttir (IP-tala skráð) 11.4.2011 kl. 11:04]

Já, tók eftir því að Steingrímur var endalaust að hrósa Birgittu. Þess vegna kom það eins og skrattinn að Guðfríði Lilju hefði verið hent út.

[Elín Sigurðardóttir (IP-tala skráð) 11.4.2011 kl. 11:41]

Hvernig er það annars, er markmiðið með stjórnlagaráðinu að henda út forsetanum á eftir Guðfríði Lilju?

[Anna Björg Hjartardóttir, 11.4.2011 kl. 14:50]

Þar held ég að Helga hitti naglann á höfuðið. Í sjónvarpinu í gær var Birgitta spurð í lokin hvort hún vildi kosningar - Nei, hún vildi bíða eftir niðurstöðu stjórnlagaráðs, horfði til Jóhönnu sem leit kankvís til baka eins og þegar væri einhvert samkomulag. Það mun koma í ljós hvort Hreyfingin muni tryggja þessa ríkisstjórnina til áframhaldandi valdasetu.