Peningar á útsölu, þökk sé krónunni

Vextir hafa ekki verið lægri á Íslandi frá ómunatíð. Seðlabankinn lánar viðskiptabanka peninga á 3,25 prósent vöxtum og fær samt hagnað þar sem verðbólga er 1,9 prósent. Þeir sem eiga peninga í banka ná varla vöxtum upp í verðbólguna.

Aukin fasteignasala er að einhverju leyti til marks um að peningar eru teknir af innlánsreikningum og settir í steypu í von um betri ávöxtun.

Grátkór atvinnurekenda um háa vexti er löngu þagnaður. Tímabært er að atvinnurekendur þakki krónunni fyrir að hægt sé að fá peninga á útsölu.

Athugasemdir

[marat (IP-tala skráð) 1.3.2011 kl. 08:23]

Hvaða krónu ertu að tala um? Þessa óverðtryggðu á breytilegum vöxtum?

[Lúðvík Júlíusson, 1.3.2011 kl. 09:06]

Peningarnar eru löngu komnir á útsölu.  Þannig fékk Magma Energy 375 milljón króna afslátt fyrir að nota íslenskar krónur en ekki gjaldeyri við kaupinn á HS Orku og þannig Columbia Wanger Asset Management afslátt upp á 200 milljónir þegar það keypti 5,2% hlut í Marel hf.

Það marg borgar sig fyrir erlend fyrirtæki að koma með íslenskar krónur til landsins en erlendan gjaldeyri.

Þingmenn, allra flokka, sjá til þess að erlendir fjárfestar fái alltaf íslenskar krónur á útsölu.