Þriðjudagur, 1. desember 2015
Hlýnun eða ekki, án málamiðlunar
Í Telegraph er sannfærandi grein um oftúlkun á gögnum um hlýnun jarðar. En slái maður nafni höfundar, Christopher Booker, upp er hann í vondum félagsskap afneitara.
Orðfæri og málflutningur hlýnunarsinna og afneitara er þesslegur að maður gæti haldið að þeir væru þjálfaðir í íslenskri þraspólitík.
Meðalvegurinn týnist.
Við finnum lausn á vandanum | |
Tilkynna um óviðeigandi tengingu við frétt |
Dægurmál | Breytt s.d. kl. 20:29 | Slóð | Facebook | Athugasemdir (0)
Þriðjudagur, 1. desember 2015
Krugman jarðar Þorvald og ESB-sinna
Með krónuna að vopni vann Ísland bug á kreppunni eftir hrun hraðar og betur en Írland með evru. Tölfræðilegar mælingar á hagvísum eins og þjóðarframleiðslu og atvinnustigi sýna þetta svart á hvítu.
Þorvaldur Gylfason og ESB-sinnar reyna hvað þeir geta að smíða grýlu úr bjargvætti okkar, krónunni, til að gera aðild að Evrópusambandinu ákjósanlegri. Nóbelsverðlaunahafinn í hagfræði, Paul Krugman, jarðar rökfærslu Þorvaldar og félaga.
Krugman vekur einnig athygli á hve ómerkilegur málflutningur Þorvaldar er með samjöfnuði danskrar og íslenskrar krónu frá árinu 1939.
Sjálfstæður gjaldmiðill mikilvægur | |
Tilkynna um óviðeigandi tengingu við frétt |
Dægurmál | Breytt s.d. kl. 14:37 | Slóð | Facebook | Athugasemdir (1)
Þriðjudagur, 1. desember 2015
Forstjórar vilja skattalækkun - eykur verðbólgu
Forstjórar óska eftir skattalækkun sem mun auka á þensluna og leiða til hækkandi verðbólgu. Forstjórar kunnu ekki fótum sínum forráð í útrás. Þeir hafa ekki enn lært sína lexíu og búið til ósjálfbært þensluástand.
Forstjórahagfræði er enn græðgisvædd skammtímahugsun sem gerir ráð fyrir að ríkissjóður reddi okkur þegar út í ógöngur er komið.
Ríkisstjórnin ætti að skella skollaeyrum við áskorun forstjóranna og láta almannahagsmuni ráða ferðinni.
300 stjórnendur skora á Alþingi | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Þriðjudagur, 1. desember 2015
Höfuðból múslíma og böðlarnir
Sádi Arabar geyma minningu spámannsins og rækta arfleifð hans. Múslímum er gert að fara a.n.k. einu sinni á ævi í pílagrímsför til Mekka í Sádí Arabíu.
Grimmd sem vestræn ríki skildu eftir á miðöldum er alsiða í landi spámannsins. Hendur eru höggnar af mönnum við minni háttar afbrot og hausinn fær að fjúka ef brotin þykja meiri háttar.
Í lögbókum Sáda er dauðarefsing við trúskiptum. Vestræn ríki hafa í nafni trúfrelsis leyft að Sádi Arabar fjármagni moskur á vesturlöndum. Í þeim moskum er predikunin dauði og tortíming vestrænnar menningar.
Böðlarnir halda ekki allir á sveðju.
Sádi-Arabar auglýsa eftir böðlum | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (2)