Hvaða hagsmuni ber Illugi fyrir brjósti?

Hvorki foreldrar né nemendur knýja á um styttingu náms til stúdentsprófs. Enda vita flestir foreldrar og allir nemendur að hægt er að ljúka náminu á þrem árum og jafnvel skemmri tíma, sé áhugi og námsgeta fyrir hendi.

Illugi Gunnarsson menntamálaráðherra berst hvorki fyrir hagsmunum foreldra né nemenda í þráhyggjukenndum tilraunum að þvæla inn í kjarasamninga við kennara efnisatriðum sem lúta að styttingu náms.

Hvaða hagsmuni ber menntamálaráðherra fyrir brjósti? Hann sagðist fá hugmyndir sínar um styttingu náms til stúdentsprófs frá Samtökum atvinnulífsins. 

Síðan hvenær vita Samtök atvinnulífisins eitthvað um skólamál?

„Þýddi að ég leiddist út í pönk og pólitík“

Húsgögn og blaðamennskan á Vísi

Bændasamtökin lánuðu Heimssýn húsgögn og því ættu þau að styrkja bónda í málaferlum. Á þessa leið er málflutningsblaðamennska á Fréttablaðinu Vísi.

Höfundur fréttarinnar, Jakob Bjarnar, hlýtur næst að bera niður á sveitarfélög sem t.d. styrkja íþróttastarf og krefjast þess að þau styrki einnig þá íbúa sem standa í málaferlum.

Á Fréttablaðinu Vísi  helgar tilgangurinn meðalið. Allir andstæðingar aðildar Íslands að Evrópusambandinu eru sjálfkrafa skotmörk útgáfunnar.

RÚV-einelti frá Bjarna Ben. yfir á Sigmund Davíð

RÚV gefur tóninn í vinstrieineltisumræðunni. Í rúman hálfan mánuð var Bjarni Benediktsson skotspónn RÚV sem klippti til viðtöl svo að formaður Sjálfstæðisflokksins og fjármálaráðherra virtist einarður ESB-sinni.

RÚV snýr sér nú að Sigmundi Davíð og býr til frétt um að Sigmundur Davíð sé ekki nógu duglegur að sitja undir ræðum þingmanna stjórnarandstöðunnar.

Og það er eins við manninn mælt; álitsgjafar og spunaliðar vinstrimanna stökkva á skotleyfi RÚV og segja forsætisráðherra týndan. Þegar líður á daginn mun sorpveita vinstrimanna fylla umræðutorgin með sögum af þessum voðalega forsætisráðherra sem situr ekki og stendur eins og stjórnarandstaðan vill. 

Ögmundur styður Dögun, hafnar Nöttz-VG

Uppstokkun á vinstri væng stjórnmálanna er í farvatninu eftir að þungavigtarmaður úr borgarpólitík VG, Þorleifur Gunnlaugsson, tók að sér forystu í Dögun. Ögmundur Jónasson þingmaður VG og fyrrum ráðherra styður Þorleif en ekki nöttz-femínistavæng VG sem Sóley Tómasdóttir stýrir.

Þorleifur og Ögmundur eru andstæðingar aðildar Íslands að Evrópusambandinu og sem slíkir fulltrúar langrar hefðar innan róttækra vinstrisjónarmiða sem tvinnar saman fullveldi og félagslegu réttlæti. Nöttz-VG er á hinn bóginn undirlagt herskáum femínisma í bland við sértrúarsinna með Brunsselátrúnað. Helsta kosningamál Nöttz-VG til þessa er stóra húsgagnamálið á skrifstofu Heimssýnar.

VG verður vettvangur uppbrots á vinstri væng stjórnmálanna sökum þess að innan flokksins eru öfl sem til langs tíma eru andstæður í íslenskum stjórnmálum. Fullveldi og félagslegt réttlæti eru forgangsmál annars hópsins en hinn hópurinn byggir á sértrúarstefnu femínista og ESB-sinna.