Steingrímur J. er höfundur ESB-ófriðarins

Svik VG undir formennsku Steingríms J. Sigfússonar 16. júlí 2009 eru höfuðorsök ófriðarins um Evrópumál. Vegna svika þingmanna VG var send til Evrópusambandsins umsókn sem ekki endurspeglaði vilja alþingis og enn síður þjóðarinnar.

Steingrímur J. vill núna þjóðaratkvæði til að skera hann úr snörunni. Af því verður ekki í bráð.

ESB-sinnar eins og Steingrímur J. verða að berjast fyrir sannfæringu sinni, ekki eins og úlfur í sauðgæru, heldur eins og nátttröll á berangri í dagsljósi. Verði Þistilfjarðarpilti að góðu.

Þingfundi slitið

Evrópustefna fullvalda Íslands

Mótun Evrópustefnu fullvalda Íslands felur í sér að við lítum á það sem varanlegt ástand að standa utan Evrópusambandsins og er það í samræmi við vilja yfirgnæfandi meirihluta þjóðarinnar.

Vegferð Samfylkingar til Brussel sem hófst með svikum þingmanna VG við sannfæringu sína og kjósendur og hófst 16. júlí 2009 er þar með lokið í fyrirsjáanlegri framtíð.

Aðeins á eftir að ganga formlega frá afturköllun lýðræðisbrestsins fyrir fimm árum.

Stjórnin kynnti Evrópustefnu

Meirihlutastjórn og skæruliðapólitík

Samfylkingin (12,9%) lætur eins og flokkurinn ásamt VG (10,9%) með stuðningi Bjartar framtíðar (8,2%) eigi að stjórna dagskrá alþingis. Svo er vitanlega ekki. Fyrir tíu mánuðum kaus þjóðin sér meirihluta Framsóknarflokks (24,4%) og Sjálfstæðisflokks (26,7%) til að mynda ríkisstjórn.

Ríkisstjórnarflokkarnir voru kjörnir á grundvelli stefnuskrár um að afturkalla ESB-umsókn Íslands, sem á fölskum forsendum var send til Brussel fyrir fimm árum.

Vinstriflokkarnir stunda skæruliðapólitík innan og utan alþingis en ríkisstjórnin má ekki láta það trufla sig.

 

Frekari fundir ekki fyrirhugaðir

Slúðurvél Samfylkingar sett til verka: Egill og Gössur

Til að bæta upp tapaða stöðu á alþingi og meðal þjóðarinnar er slúðurvél Samfylkingar sett í yfirgír. Egill Helgason breiðir út slúður um að Davíð Oddsson stjórni Framsóknarflokknum. Gísli Baldvinsson, sem líka svarar nafninu Gössur vegna tengsla við fyrrum utanríkisráðherra, ber á borð sögu um ráðherra skipti.

Tilgangur slúðursins er að skapa taugaveiklun innan herbúða stjórnarflokkanna. Slúðrið um vinskap Davíðs og Sigmundar Davíðs er ætlað að reka fleyg á milli formanna stjórnarflokkanna. Sögusögnin um breytingar á ráðherraskipan á að ala á tortryggni bæði innan stjórnarflokkanna og á milli þeirra.

Núna þegar slúðurvélin er ræst má búast við að minnsta frávik stjórnarþingmanna og ráðherra verði notað til að fóðra sögur um óeiningu innan stjórnarliðsins. Sögur verða framleiddar eftir þörfum og komið á framfæri við álitsgjafa, bloggara og auðvitað RÚV og 365-miðla.

Markmiðið með slúðrinu er að gera ríkisstjórnina óhæfa að koma stefnumálum sínum í framkvæmd og ber þar hæst að stöðva afturköllun ESB-umsóknar Samfylkingar frá síðasta kjörtímabili.

Þingfundi slitið