Huglaus ríkisstjórn tapar - alltaf

Vinstrimenn eru komnir með blóðbragð í munninn og krefjast afsagnar ríkisstjórnarinnar. Bjarni Benediktsson, sem á þriðjudag var býsna keikur, virðist skv. túlkun RÚV tilbúinn að gefa eftir.

Krafan um þjóðaratkvæði pólitískur ómöguleiki eins og Björg Thorarensen lýsir. ESB-umsókn Samfylkingar er dauð og verður ekki endurlífguð án nýrra þingkosninga.

Ríkisstjórnin á aðeins einn leik í stöðunni og hann er sá að herða sig upp og segja að hún standi og falli með afturköllun ESB-umsóknar.

Hugleysi og undanhald er ávísun á annað tveggja, hægfara tortímingu í anda Jóhönnustjórnarinnar eða nýjar kosningar.

Fjöldi fólks á samstöðufundi

Fulltrúi Össurar: þjóðaratkvæði pólitískur ómöguleiki

Fulltrúi Össurar Skarphéðinssonar, þáverandi utanríkisráðherra, í samninganefnd síðustu ríkisstjórnar við Evrópusambandið, Björg Thorarensen, lögfræðiprófessor, tók af öll tvímæli um að þjóðaratkvæðagreiðsla um framhald aðlögunarviðræðna við ESB sé pólitískur ómöguleiki.

Björg sagði í umræðuþætti á RÚV að ríkisstjórn sem væri algerlega andvíg aðild að Evrópusambandinu, líkt og sitjandi ríkisstjórn, gæti ekki farið til Brussel að semja um aðild Íslands að sambandinu.

Jafnvel þó hún [þjóðaratkvæðagreiðslan] færi fram þá verður líka að hafa í huga að það er ekki lagalega bindandi niðurstaða úr slíkri ráðgefandi þjóðaratkvæðagreiðslu. Þannig að ég tel í raun mjög óheillavænlega þessa hugmynd sem er uppi í raun um að það fari fram þjóðaratkvæðagreiðsla um þetta mál.

Nöttz-mótmælin, sem fjölmiðlar og Samfylking bjuggu til í byrjun viku, leiða til pólitísks ómöguleika. Björg þekkir bæði pólitísku hliðina á málinu og þá lagalegu og henni verður ekki stillt upp sem hlutdrægum aðila í umræðunni.

 

DV, Hildur L. og nöttz-mótmælin

Lesendur DV kusu Hildi Lillendahl hetju ársins fyrir tveim árum. DV og aðrir fjölmiðlar bjuggu Hildi til. Fjölmiðlar bjuggu líka til mótmælin á Austurvelli í vikunni.

RÚV, 365-miðlar og DV í samspili með stjórnarandstöðunni auglýstu almennt herútboð og fengu um 3500 manns að mæta á fyrsta degi mótmælanna, um 2000 á öðrum degi, um 1000 á þriðja degi og um 400 manns á fjórða degi. Það eru öll ósköpin.

Mótmælin er í þágu þeirrar blekkingar að Íslendingar geti fengið óskuldbindandi aðildarsamning við Evrópusambandið. Allir læsir vita að slíkur samningur er ekki í boði, aðeins aðlögunarviðræður þar sem Ísland jafnt og þétt tekur upp laga og regluverk ESB.

Það varð lýðræðisbrestur á alþingi þegar umboðslaus umsókn var send þaðan sumarið 2009. Þjóðin var ekki spurð hvort hún vildi fara inn í ESB; Samfylkingin og svikulir þingmenn VG sátu til þess.

Það liggur fyrir að afgerandi meirihluti Íslendinga vill ekki inn í Evrópusambandið, síðasta mæling sýnir að aðeins um 26 prósent er fylgjandi ESB-aðild.

Mótmælin á Austurvelli í vikunni eru í stíl við nikkið hennar Hildar - nöttz. Þingmenn sem taka mark á slíkum mótmælum ættu að leita sér að annarri vinnu.

 

 

„Við eigum að vera hér fyrir fólkið“