Linkan felldi Sjálfstæðisflokkinn

Sjálfstæðisflokkurinn féll vegna þess að baráttuþrekið þvarr með því að undanhaldsstjórnmál voru sett í öndvegi þar sem áður ríkti stefnufesta. Greining Bjarna Benediktssonar á vanda flokksins er moðkennd og gælir við sama hugsunarhátt undanhalds og einkenndi valdatíð Geirs H. Haarde.

Linkan náði hámarki þegar Sjálfstæðisflokkurinn féllst á kröfu Samfylkingar haustið 2008 að efna til landsfundar um afstöðuna til Evrópusambandsins. Flokkur sem lætur grillupólitíkusum annarra flokka segja sér fyrir verkum er ekki á vetur setjandi.

Bjarni Benediktsson verður að vera ótvíræðari í meginmálum ef hann ætlar ekki að fara sömu leið og síðasti formaður. Til dæmis átti hann í viðtalinu að krefjast þess að ríkisstjórnin drægi tilbaka umsóknina um aðild Íslands að Evrópusambandinu. 

Formaður Sjálfstæðisflokksins greinir stöðu ríkisstjórnarinnar í ESB-málinu rétt. En í stað þess að standa í lappirnar og krefjast fyrir hönd þjóðarinnar að umsóknin verði dregin tilbaka kemur Bjarni með linkuloðmullu um að umsóknin sé farin og að það verði þjóðaratkvæðagreiðsla. Lélegt.

Valdþreyta alllöngu fyrir hrun

Athugasemdir

[Gunnar Rögnvaldsson, 19.12.2009 kl. 13:09]

Amen !

[Baldur Hermannsson, 19.12.2009 kl. 13:14]

Mér hefði þótt gaman að lesa líflegra og afdráttarlausara viðtal en þetta. Það er líka vanhugsað að fara ekki betur ofan í saumana á þessum bisnissmálum sem hafa kallað yfir hann dylgjur í slúðurblöðum. Ætli viðtalið sem Kolbrún tók hafi verið áhugaverðara?

[Svavar Bjarnason (IP-tala skráð) 19.12.2009 kl. 14:33]

Páll.

Einhvern veginn finnst mér að þú sért að bíða eftir því að Sjálfstæðisflokkurinn geri, að þínu mati, ásættanlegar endurbætur, svo þú getir gengið í hann.

[Jón Ingi Cæsarsson, 20.12.2009 kl. 11:14]

Þú situr uppi með ónýtan formann..hvort sem þér líkar betur eða verr Páll minn... loðmullusamsuðubullukoll.