Viðskipti sem skemmdarverk

Réttarkerfið áttar sig loks á að viðskipti eru ekki alltaf viðskipti heldur stundum skemmdarverk. Það þurfti hrun til að dómstólar kveiktu. Fræg eru ummæli Arngríms Ísbergs dómara í Baugsmálinu að ,,þetta væru bara viðskipti" þegar ákæruvaldið reyndi að sýna fram á ólöglegt athæfi.

Þangað til að hrunið varð tókst útrásarauðmönnum að láta svo líta út að allt sem þeir gerðu væru bara viðskipti.

Byssukúla er líka saklaust málmhylki þangað til tekið er í gikkinn. Auðmennirnir og hlaupatíkur þeirra gældu títt við gikkinn og héldu að þeir væru sjálfir ónæmir fyrir afleiðingunum.

Dæmdir fyrir markaðsmisnotkun

Athugasemdir

[Stefán (IP-tala skráð) 9.12.2009 kl. 10:49]

Dómarnir sem þessir óprúttnu fjárglæframenn fá þarna sýna bara að dómarar landsins meta fjármálaglæpi minni glæpi en það að hnupla t.d. kjötlæri í Bónus eða að stela litlu hjálpartæki ástarlífsins. Dómarar landsins eru greinilega jafn huglausir og útrásarþjófarnir sem eru flúnir land. 

[Jón Snæbjörnsson, 9.12.2009 kl. 10:50]

Ég er svo sem ánægður með að dæmt hafi verið hér - ég er hinsvega ósáttur ef aðrir "verðbréfamiðlarar" innan þessa fyrirtækis sem stunduðu samskonar "skemmdarstarfssemi" komis undan

Ég velti fyrir mér hvort þetta "fólk" missi ekki örugglega réttindi sín til að koma nálægt svona "vinnu" aftur ?

[Kristín (IP-tala skráð) 9.12.2009 kl. 11:26]

Frysta þýfið og stinga þessum aumingjum inn á meðan hreinsað er til .Er ekki eitthvert " krummaskuð" þar sem hægt er að hafa þetta lið og þeirra samráðsmenn/konur. Hvað með KÚLU-liðið ?Situr meira að segja á þingi .

Ísland er örugglega mesta BANANA_LÝÐVELDI í heimi .Afríka bleyjubarn á við þessa klíku .

[Guðmundur 2. Gunnarsson (IP-tala skráð) 9.12.2009 kl. 12:49]

Hæstiréttur hlýtur að verða að snúa dóminum, miðað við niðurstöður hans í Baugsmálinu.

[Jón Snæbjörnsson, 9.12.2009 kl. 13:04]

Bauhaus húsið er tilvalinn geymsla fyrir þessar "aura-rottur" sé fyrir mér mynd af stóru "minkahúsi"

[Baldur Hermannsson, 9.12.2009 kl. 14:44]

Afstaða og ummæli hæstaréttardómara eru stórundarleg. Baugs-dómarnir veikja réttarkerfið. Það er margstaðfest að dómarar í handbolta og fótbolta þiggja mútur unnvörpum. Getum við treyst því að hæstaréttardómarar geri það ekki líka?

[Magnús Óskar Ingvarsson, 9.12.2009 kl. 20:16]

Það er mjög gleðilegt að þetta skuli loksins vera komið í gang. Engin ástæða er til að ætla að bara "litlu karlarnir" verði settir inn. Það er alveg augljóst að það tekur miklu lengri tíma að undirbúa málsókn á hendur hinum stóru, svo að þetta er bara alveg eðlilegt. Átta mánuðirnir, sem þessir gaurar eru að fá eru líka vísbending um það sem koma skal: Þegar röðin kemur að þeim stóru verður um mörg ár að ræða. Við skulum bara bíða.

[Baldur Hermannsson, 9.12.2009 kl. 20:19]

Tja, eru átta mánuðir á Kvíabryggju mikið verri en átta mánuðir á Tenerife?