Áhlaup á Arion undirbúið

Kaupþing sem nú heitir Arion íhugar alvarlega að gefa eftir tugmilljarðaskuldir Baugsfeðga og leyfa þeim að halda verslunareinokun sinni hér á landi. Fjármálastofnun sem er þess albúin að lýsa yfir stríði á hendur þjóðinni er vitanlega ekki á vetur setjandi.

Viðskiptavinir Kaupþings/Arion loka vitanlega reikningum sínum hjá bankanum og munu krefjast þess að lífeyrissjóðir og aðrir almannasjóðir eigi ekki viðskipti við banka sem leyfir fjármálalegt og siðferðislegt hryðjuverk eins og að afskrifa skuldir Baugsfeðga. 

Í framhaldi verður Kaupþing/Arion lagður af og settur undir Landsbankann. Þar á bæ virðist lágmarkstilfinning fyrir þeirri samfélagslegu kröfu um að útrásarmenn eigi ekki að fá krónu afskrifaða.

Athugasemdir

[Flosi Kristjánsson, 21.11.2009 kl. 15:06]

Siðferðilega óviðunandi, já!

En hvernig er teikningin af framtíðinni, fjármálalega séð?

Ég minni á það sem Ólafur Jóhannesson sagði þegar Framsókn fór í stjórn með Sjálfstæðisflokknum (1974?): Það verður að gera fleira en gott þykir, og vísaði þar til ummæla þingmanns sem lét eitt og annað yfir sig ganga í atkvæðaöflun, þ. m. t. að kyssa  kotbændur sem voru með tóbakstaumana niður á höku!

Sagt var að "Kolkrabbinn" hefði tögl og hagldir í íslensku viðskiptalífi lungann úr tuttugustu öldinni. Heldur þú að nú gangi maður undir manns hönd til að finna mótvægi við Kolkrabbann, Bláu höndina, Sjálfstæðisflokkinn, etc. etc?

Er kominn timi á "Kóngulóna"?

[Árni Karl Ellertsson (IP-tala skráð) 21.11.2009 kl. 15:25]

Bankabjáninn hann Finnur verður verulega að fara að passa sig.

[Hilmar Hafsteinsson (IP-tala skráð) 21.11.2009 kl. 15:27]

Frjálshyggjufélagi Páll þreytist seint á að sækja í smiðju læriföður síns og mentors. Sjá, DO gerði misheppnað áhlaup á Kaupþing, fáliðaður, og Kaupþing blómstraði. Kappinn skipaði sjálfan sig seinna Seðlabankastjóra, með pungapróf í handrukkun frá þriðja heims háskóla sem fæstir vilja kannast við - og rústaði auðvitað hagkerfi þjóðarinnar.

Nú veit ég ekki um kvalífasjónir Palla penna, en það er sjálfsagt að ýta við honum þar sem hann á blautar draumfarir um sérstaka lágmarkssómatilfinningu FLokksskírteinishafa í Landsbankanum. Gerðu það sjálfur Páll minn! Skottastu inn í næsta útibú Kaupþing/Arion og taktu út hýruna þína.

[Sigurður Sigurðsson, 21.11.2009 kl. 16:25]

Satt er það Páll, ekki verð ég lengi að færa mín viðskipti annað frá þessari svikamyllu, en þangað var ég þvingaður frá SPRON. 

Og ég veit að þannig hugsa margir í dag.

[Karl (IP-tala skráð) 21.11.2009 kl. 19:43]

Rétt Páll.

 GOTT

[ElleE (IP-tala skráð) 21.11.2009 kl. 23:55]

Ég var líka þvinguð þangað frá Spron en fluttist fljótt burt þaðan.