Möskvastærðin ákveðin í Brussel

Á morgun hittast sjávarútvegsráðherrar ESB-ríkjanna til að taka ákvarðanir um möskvastærð, leyfilega lágmarksstærð á lönduðum þorski og margt fleira sem lýtur að rekstri sjávarútvegsstefnu Evrópusambandsins. Ráðherrum þjóðríkjanna og framkvæmdastjórn ESB liggur á að klára málin sem liggja fyrir áður en Lissabon-sáttmálinn tekur gildi 1. desember næst komandi.

Ástæðan? Jú, málin eru nógu flókin eins og þau standa í dag. Hver þjóð er með sinn ,,innkaupalista" sem þarf að semja um við allar hinar þjóðirnar. Eftir 1. desember bætast 736 þingmenn Evrópuþingsins við sem mögulegir þátttakendur í hrossakaupum um sjávarútveg. Lissabon-sáttmálinn gerir ráð fyrir veigameiri hlutverki Evrópuþingsins við mótun sjávarútvegsstefnu.

Umsókn Samfylkingarinnar liggur í Brussel um að Íslendingar fari með fiskveiðistjórnun sína til Evrópusambandsins.

Hérer umfjöllun European Voice um fundinn á morgunn.

Athugasemdir

[stefan benediktsson (IP-tala skráð) 19.11.2009 kl. 16:28]

Hver  ákveður fatastærðir?

[Hjörtur J. Guðmundsson, 19.11.2009 kl. 20:46]

Tja, það er held ég flest orðið staðlað innan Evrópusambandsins í boði skriffinna þess.

[gunnar (IP-tala skráð) 20.11.2009 kl. 13:52]

þetta er sama evrópusambandið og fyrirskipaði að gúrkur skyldu vaxa beinar.