Össur með stórveldi í vasanum

Utanríkisráðherra er ekki einhamur stjórnarerindreki okkar Frónbúa. Bandaríkin eta úr lófa ráðherra og nú undirbýr hann hælkrók til að fella Evrópusambandið. Össur Skarphéðinsson leggur á ráðin um Brusselför í Þjóðmenningarhúsinu áður en hann sendir vaska sveit að kenna Brussel að kyngja íslenskum hagsmunum. Bandaríkin eru sem fyrr okkar bestu vinir þótt sérvinur Össurar á Bessastöðum hafi móðgað síðasta sendiherra Sáms frænda. Og við trúum hverju orði ráðamanna.

 

Samskipti við Bandaríkin með besta móti

Athugasemdir

[Guðmundur 2. Gunnarsson (IP-tala skráð) 11.11.2009 kl. 20:30]

Miðað við framkomu utanríkisráðherra í ræðustól Alþingis í svarleysinu varðandi fyrirspurn Guðlaugs Þórs, þá er augljóslega eitthvað mikið að hjá honum þessi misserin.

[Björn Birgisson, 11.11.2009 kl. 20:58]

Það er mikið að hjá öllum, Guðlaugi Þór, Össuri og öllum hinum stjórnmálamönnunum. Líka hjá þjóðinni. Viðræður við ESB eru óhjákvæmilegar. Þær eru öryggisventill. Best væri að geta staðið utan við báknið, traustum fótum. Nú eru brauðfætur undir þjóðinni. Þökk sé (you name it) skelfilegu klúðri. Hvar í andskotanum stöndum við eftir fáein misseri? Endanlega fallin? Endanlega komin fyrir vind? Hver veit. Höldum öllum flóttaleiðum opnum.