ESB-áróður undir dulnefni

Eiríkur Bergmann Einarsson er hvað ötulastur áróðursmanna fyrir Evrópusambandsaðild Íslendinga og  tvöfaldur í roðinu samkvæmt bloggaranum Hauki Nikulássyni sem afhjúpaði að Eiríkur Bergmann skrifar undir dulnefninu Jón Gunnar Sigvaldason.

Aðildarsinnar hafa löngum ýkt rökin fyrir inngöngu Íslands í ESB. Þegar þeir skálda líka upp nöfn til að fjölga í hópi aðildarsinna er fokið í flest skjól.

Athugasemdir

[Matthías Ásgeirsson, 29.10.2009 kl. 17:01]

Þú titlar þig blaðamenn.

Væri þá ekki rétt að þú nefndir líka að Eiríkur neitar þessum ásökunum?

Það þætti mér a.m.k. dæmi um eðlilega "blaðamennsku".

[Hjörtur J. Guðmundsson, 29.10.2009 kl. 17:15]

Ég efa að Páll líti svo stórt á sig að hann tali um sig í fleirtölu ;)

Þess utan hefur ekki borizt nein yfirlýsing frá Eiríki vegna málsins mér vitanlega, aðeins hefur birzt stuttaraleg umfjöllun í slúðurdálki Dv.is þar sem Eiríkur er sagður koma af fjöllum vegna málsins. Orðalagið er nokkuð sérstakt:

"Eiríkur Bergmann Einarsson, forstöðumaður Evrópuræðaseturs á Bifröst, mun koma af fjöllum varðandi ásakanir Eyjubloggarans Hauks Nikulássonar sem ber Eirík þeim sökum að tjá sig undir fölsku nafni í netheimum. Bloggarinn segist hafa rakið IP-tölu sem ,,Jón Gunnar Sigvaldason" tjáði sig undir til Eiríks Bergmanns. Þá ýjar hann að hugsanlegum landráðum Eiríks. Sjálfur mun Eiríkur ekkert kannast við málið. Jafnframt heyrist að hann muni líklega kanna réttarstöðu sína í framhaldinu."

Það er greinilega ekki um staðfestar fréttir að ræða þarna.

[Helgi Jónsson (IP-tala skráð) 29.10.2009 kl. 21:31]

Er það ekki eina leiðin? Ofvirkir menn með oftrú á sjálfa sig verða að fá útrás fyrir athöfnina. Sumir gera allt til að smækka landið sitt.