Ráðherrar skapa sér stöðu fyrir fallið

Árni Páll Árnason er glúrinn stjórnmálamaður og veit að dagar ríkisstjórnar Jóhönnu Sigurðardóttur eru senn taldir. Með afgerandi málflutningi er hann að tala til samfylkingarmanna sem hann þarf á stuðningi að halda eftir fall stjórnarinnar. Svandís Svavarsdóttir eru sömuleiðis skynug á pólitíska strauma og er í óða önn að styrkja stöðu sína.

Bakland stjórnmálamanna er þeim mikilvægara í innanflokksátökum en almennur stuðningur við stjórnmálaflokk sem viðkomandi tilheyrir. Þess vegna finnst ráðherrum allt í lagi að misbjóða þeim sem standa utan baklandsins, ef það verður til að styrkja þá í togstreitunni innanflokks.

Þegar ráðherrar syngja hver með sínu nefi og gefa lífið fyrir stjórnarkórinn er víst að sannfæringin fyrir stjórnarsamstarfinu er fyrir bí. ESB-nauðgunin og Icesave-subbuskapurinn eru þau atriði sem skilgreina ríkisstjórn Jóhönnu. Ráðherrar munu á næstu vikum hver sem betur getur þvo hendur sínar af óhæfuverkum stjórnarinnar.

Gagnrýna félagsmálaráðherra

Athugasemdir

[Árni Gunnarsson, 23.10.2009 kl. 14:12]

Núna loksins hef ég þá trú að stjórnin haldi velli. Tekið hefur verið skref í átt til lagfæringa á stöðu skuldara. Icesave er komið í lokafarveg enda líklega ekki skárri kostir í boði eftir að hafa verið í samningsfarvegi án skilyrða allt frá dögum Geirs og Davíðs. Síðan flutti Árni Páll tímamótaræðu á fundi með SA sem mun styrkja stöðu hans sem framtíðarstjórnmálamanns.