Fangana ekki heim, fangelsin út

Engin ástæða er til að fá íslenska fanga í útlöndum heim. Þeir brutu af sér í útlöndum og eiga að taka út sína refsingu þar, nema sérstakar aðstæður kalli á annað.

Að sama skapi eigum við að senda útlenda glæpamenn til síns heima og sjá svo um að þeir taki refsingu sína út þar. Íslenska kerfið er hannað fyrir smákrimma en hingað koma stórglæpamenn.

Í ljósi skorts á fangarými hér heima væri nær lagi að leigja nokkra klefa, t.d. í Litháen, fyrir glæpamenn sem fá dóm á Íslandi. Það yki á fælingarmátt refsikerfisins.

Kanna aðstæður íslenskra fanga í Brasilíu

Athugasemdir

[Finnur Bárðarson, 29.9.2009 kl. 17:33]

Mér stendur alveg á sama hvernig fangelsin í Braselíu líta út. Verðandi glæpamenn þar í landi vita þeir allt um þann aðbúnað. Hef engan áhuga á að fá þá hingað í lúxusvistun þó þeir séu Íslendingar.

[Sigurður M Grétarsson, 29.9.2009 kl. 17:46]

Hvaða frekja er þetta. Alltaf láta aðra borga kostnaðinn.

Annað hvort taka glæpamenn út sína refsingu þar, sem þeir fremja glæpinn eða í sínu heimalandi. Það á að gilda sama regla hvað það varðar gagnvart Íslendingum, sem fremja glæpi erlendis og gagnvart útlendingum, sem fremja glæpi hér.

Ef við teljum óeðlilegt að Íslendingar, sem fremja glæpi erlendis komi hingað þá er það jafn óeðlilegt að útlendingar, sem fremja glæpi hér séu sendir til síns heimalands.

Það er ekki bæðí haldið og sleppt í þessum málum frekar en öðrum.

[Bjarki (IP-tala skráð) 29.9.2009 kl. 17:48]

Íslenska fanga hingað heim og útlendingarnir mega fara heim til sín, það myndi leysa megnið af okkar plássvandræðum held ég.

[Grímur (IP-tala skráð) 29.9.2009 kl. 20:14]

Fangar þurfa að sækja um það sjálfir og yfirleitt ganga hart eftir því
óski þeir eftir að afplána dóma sína í föðurlandinu.

Það er því augljóst hvert straumurinn mun liggja - maður vorkennir þó fólki að dúsa einsog rottur í búri í stað þess að taka út mannúðlega betrunarvist.

[Heiða B. Heiðars, 29.9.2009 kl. 21:00]

Andstyggilegur hugsanaháttur

[Sveinn Guðbjörgsson (IP-tala skráð) 29.9.2009 kl. 23:44]

Hættu þessum barnaskap og byrjaðu að lifa í raunveruleikanum Heiða, það var andstyggilegur hugsanarháttur þeirra sem kom þeim í þessa aðstöðu.

Ég set velferð og öryggi barna í forgang, yfir þessa einskisverðugu glæpamenn. Íslenskir glæpamenn eru ekkert meiri manneskjur en erlendir.

[brahim, 30.9.2009 kl. 01:24]

Mætti halda að Heiða þekkti einhvern sem afplánar refsivist erlendis.

Auðvitað eiga þessir Íslendingar að taka út sína refsingu í því landi sem þeir brutu af sér í.

Annað er bara rugl. Fangelsi eru fangelsi og refsivist er refsivist, en Heiða vill greinilega að afbrotamenn (og þá sérstaklega Íslenskir) hljóti sérstaka náð í lögum um afbrotamenn.

Heiða þessir menn brutu alvarlega af sér, sem og að með afbrotum sínum voru þeir að reina að stuðla að eyðileggingu mannslífa hér á landi sem og á þeim áfangastöðum þar sem þeir áttu að skila af sér eiturlyfjunum.