Hagaskóli vill ala eðjóta

Grikkir til forna kölluðu þá idióta sem ekki létu sig opinber málefni skipta. Á Vesturlönum hefur æ síðan skipulega verið reynt að fækka eðjótum og fjölga ábyrgum borgunum sem taka þátt í samfélagsumræðunni. Skólarnir þykja ákjósanlegur vettvangur til að kenna tilganginn með lýðræðislegri umræðu og hvaða verðmæti eru fólgin í henni.

Skólayfirvöld í Hagaskóla í Reykjavík eru aftur þeirrar sannfæringar að fólk eigi ekki að hafa aðra skoðun en valdhafar ákveða. Einn kennari skólans varð uppvís að þeim glæp að hafa á bloggsíðu sinni aðra skoðun á innflytjendamálum en yfirvöld og var snarlega látinn vita að ósamþykkar skoðanir mættu ekki heyrast frá uppeldisfrömuðum.

Hér tekur til máls talsmaður imbasamfélagsins, Ómar Örn Magnússon aðstoðarskólastjóri Hagaskóla:

„En það er ákaflega óheppilegt að starfsmenn uppeldisgeirans hafi svona skoðanir, og líka að þeir finni hjá sér þörf til að viðra þær," segir Ómar. Auðvelt sé að finna út að Guðrún sé starfsmaður Hagaskóla þótt það komi ekki fram á síðunni.  

Hér kemur ekki amen eftir efninu, heldur ávarpsorð við hæfi, Sig heil!

Athugasemdir

[Gísli Baldvinsson (IP-tala skráð) 15.9.2009 kl. 17:51]

Þó ég efnislega sé ekki sammála Guðrúnu Þ. þá er ég sammála þér, Páll. Þetta er einu sinni minn gamli skóli.

[Auðun Gíslason, 15.9.2009 kl. 18:18]

Alhæfingar á báða bóga gera lítið gagn í umræðunni.  Þetta var líka skólinn minn!  Óttalega skrýtin stofnun á köflum en fínir kennarar þar innan um, og eru vonandi enn.  Kokkurinn er fínn!

[LS (IP-tala skráð) 15.9.2009 kl. 18:49]

Var að horfa á fréttina, Hvað í helvíti er verið að kalla konuna rasista þegar hún er að gagnrýna snjóhvíta pólverja??

Óþolandi Pólítísk Rétthugsun tröllríður Samfélaginu..

LS.

[Skúli Skúlason (IP-tala skráð) 15.9.2009 kl. 21:22]

Mér  skildist  á  viðtalinu  við  hana  í  kvöld  að  hún  hefði  bara  verið  að  tala  um  þessi   þjófnaðarmál  nokkurra  pólverja.

Það  mátti  svo  sem  búast  við  því  að  rétthugsunarmafían félli  aftur  fyrir  sig  af  vandlætingu  og  færi  að  hrópa um  rasisma.

Það  er  nú  orðið  bágt  ástandið  í  þjóðfélaginu  ef  ekki  má  tala  um þjófa  ef  þeir  eru  útlendingar.  Ætli  að  það  þurfi  ekki  að  setja  þetta  rétthugsunarfólk  á  eitthvað  róandi.

[Axel Þór Kolbeinsson, 16.9.2009 kl. 15:35]

Ég á greinilega góða skólafélaga.