Mútufé frá Brussel, aðildarsinnar fagna

Aðildarsinnar Íslands að Evrópusambandinu gráta að íslenskir blaðmenn hafi ekki tekið eftir þeim orðum Ollie Rehn að í Brussel sé tilbúinn efnahagspakki handa Íslendingum, aðeins eigi eftir að ganga frá smáatriðum.

Egill, Hallur, Baldur og eflaust fleiri aðildarsinnar halda ekki vatni yfir því Íslandi stendur til boða efnahagspakki, sambærilegur við þann sem ruslríkið Serbía fékk.

 Engin nýmæli eru að íslenskri blaðamenn eru ekki beittustu hnífarnir í skúffunni. Aftur er nýjabrum af víðtækri löngun í þjóðarmútur. Siðferðiskennd þjóðarinnar er komin í nýjar hæðir.

 

 

Athugasemdir

[sr (IP-tala skráð) 11.9.2009 kl. 22:58]

Serbía rusl? Eitthvað litast um á fróni nýlega? Afsakið meðan ég æli.

[JR (IP-tala skráð) 11.9.2009 kl. 23:25]

,,Engin nýmæli eru að íslenskri blaðamenn eru ekki beittustu hnífarnir í skúffunni."

 Páll.

,,Blaðamannastéttin"  eru aular !

Allt ,,kranablaðamenn"  !

Það ekkert nýtt í þínum skrifum um ESB !

Þetta eru bara trúarbragðarskrif, í sama stíl og þú ert að gagnrýna blaðamannastéttina fyrir !

[Páll Vilhjálmsson, 11.9.2009 kl. 23:35]

JR, meðan ég á jafn dyggan lesanda og þig hlýt ég að halda áfram.

[Ómar Harðarson (IP-tala skráð) 12.9.2009 kl. 09:17]

Þótt ég sé almennt sammála þessu með skúffurnar og hnífana, þá mættir þú Páll og aðrir atvinnubloggarar taka upp gamla brýnið endrum og eins. Það er ágætt að vera skeptískur endrum og eins. Olli Rehn hefur ekki minnst orði á efnahagspakka til Íslendinga áður en kom að fundinum. Um þetta hefur ekki borist hósti frá Brussel. Einn áhugamaður þykist hafa tekið eftir þessu á fundi í Háskólanum, en enginn annar sem var á fundinum hefur tjáð sig. Trúlegt ???

[Páll Vilhjálmsson, 12.9.2009 kl. 10:04]

Sæll Ómar, ég var ekki að bregðast við ummælum Olla, heldur viðbrögðum aðildarsinna við þessum ,,meinta" efnahagspakka.

[Ómar Harðarson (IP-tala skráð) 12.9.2009 kl. 10:08]

Rétt hjá þér Páll. Áfrýjunarorðum mínum átti ég að sjálfsögðu að beina til  aðildarsinnanna sem þú nefnir. Ég er reyndar aðildarsinni, svo ég tók ummæli þín ekki til mín. Þú lást hins vegar vel við höggi. Verst að það geigaði :)

[Páll Vilhjálmsson, 12.9.2009 kl. 10:20]

Það jafnast ekkert á við að fá á sig högg á laugardagsmorgni, einkum ef það geigar.