Reykjavíkurkreppan og landsbyggðin

Veturinn verður harðari á höfuðborgarsvæðinu en á landsbyggðinni. Kreppan vegna útrásarinnar og hrunsins bitnar harðar á suðvesturhorninu en öðrum landshlutum. Það er eðlilegt þar sem útrásin var skipulögð og framkvæmd í póstnúmeri 101. Atvinnuvegir sem munu bjarga íslensku samfélagi úr kreppunni eru sterkari í dreifbýlinu en á mölinni.

Útgerðin, landbúnaðurinn og ferðaþjónustan geta með hjálp krónunnar rennt stoðum undir efnahagslega endurreisn landsins.

Vegna þess hversu kreppan fer ólíkum höndum um landsmenn er líklegt að pólitísk viðhorf verði önnur á landsbyggðinni en höfuðborginni. Landsbyggðin mun verða harðari í afstöðunni gegn umsókn Íslands að Evrópusambandinu og mun hafa minni áhyggjur af atvinnuleysi, sem einkum er bundið við höfuðborgarsvæðið. Fallandi verð á húsnæði kemur lítið við landsbyggðina og líklega eru þeir hlutfallslega færri þar skulda veðlán hærri en nemur andvirði eigna.

Landsbyggðin er hornsteinn endurreisnarinnar.

Athugasemdir

[Finnur Bárðarson, 4.9.2009 kl. 22:56]

"útrásin var skipulögð og framkvæmd í póstnúmeri 101" Hefur geggjun engin endimörk. Hvar býrð þú Palli litli ?

[Páll Vilhjálmsson, 4.9.2009 kl. 23:03]

Póstnúmeri 170.

[Frank (IP-tala skráð) 5.9.2009 kl. 00:52]

Mikið til í þessu.

Eitthvað er Finnur önugur. Fá póstnúmer innihalda aðra eins karaktera og póstnúmer 101. Þ.e.a.s. þegar téðir "skíta"karakterar heimsækja landið "sitt".

[Frank (IP-tala skráð) 5.9.2009 kl. 00:54]

"Fá póstnúmer innihalda aðra eins karaktera og póstnúmer 101".

 Illa orðuð setning en meiningin skilst vonandi...