Lissabonsáttmálinn er illskiljanlegur af ásetningi

Evrópusambandið skrifaði Lissabonsáttmálann þannig að hann yrði torskilinn. Sáttmálinn, sem kom í stað stjórnarskrár sem Frakkar og Hollendingar höfnuðu í þjóðaratkvæði árið 2005, er beinlínis hannaður til að koma í veg fyrir umræðu.

Karel du Gucht sem situr í framkvæmdastjórn Evrópusambandsins viðurkennir í fjölmiðlaviðtali blákalt að  Lissabonsáttmálinn er illskiljanlegur af ásetningi.

"Whilst the original Constitutional Treaty was technical, and correct, people didn't read the Lisbon Treaty, they didn't understand the first word about it.  No real debate about the Lisbon Treaty could happen.  This was a deliberate decision of the European Council". 

Hér er nánar rætt um þennan merkilega sáttmála sem Írar verða látnir kjósa um í annað sinn, eftir að hafa hafnað honum einu sinni í þjóðaratkvæði. Nei, þýðir ekki nei þegar Brussel vill fá sínu framgengt.

 

Athugasemdir

[Þór Gunnlaugsson (IP-tala skráð) 4.9.2009 kl. 18:00]

Góðan dag

Lissabon sáttmálinn er í raun eins og ég skil það stjórnarskrá ESB en Írar hafa í tvígang fellt hann í þjóðaratkvæðagreiðslu.Hann kemur fljótlega í þriðju umferðina hjá þeim og verði hann felldur þá verða engin fleiri ríki tekin inn í ESB og óvíst að það hangi þá lengur saman.

[Hjörtur J. Guðmundsson, 5.9.2009 kl. 00:10]

Aðalhöfundur Stjórnarskrár Evrópusambandsins sem í raun er það sama og Lissabon-sáttmálinn, Valéry Giscard d'Estaing gagnrýndi frönsk stjórnvöld harðlega eftir að stjórnarskránni var hafnað í Frakklandi fyrir að hafa sent eintak af henni inn á hvert franskt heimili áður en greitt var atkvæði um hana. Sagði hann þetta hafa verið mikið mistök enda væri ekki fyrir hvern sem er að skilja stjórnarskrána...