Útrásarmönnum er ekki landvært

Nýliðinn dagur bauð upp á morgunfréttir um að bankarnir hefðu verið komnir að fótum fram ári fyrir hrun; að Baugur hafi fengið 100 milljarða frá Landsbanka og Kaupþing; kvöldfréttir hermdu að auðmenn hafi kortéri fyrir hrun komið peningum úr íslenskum bönkum í útlent skjól.

Útrásarmenn eru sérstaklega illa gerðir einstaklingar. Þeir eru lygnir, svikulir, þjófóttir og ganga huglausir í græðgistakti úr landi með illa fengið fé - og skilja þjóðina eftir í örvæntingu um framtíð sína.

Útrásarbleyðurnar eiga ekki að láta sjá sig hér á landi.

Athugasemdir

[Helga Kristjánsdóttir, 28.7.2009 kl. 00:40]

Var að horfa á hvað þeir sögðu í sjónvarpsþáttum fyrir uþb. 9 mán.Lára Hanna hefur haldið þessu til haga, vona að þeir fái makleg málagjöld.

[Björn Birgisson, 28.7.2009 kl. 01:48]

Sammála þessari færslu Páll. Margt á eftir að koma í ljós. Eiturlyf og svartir peningar drepa. Margar spurningar eru nú uppi á borðinu. Tvær núna. Tekst stjórnvöldum að svipta hulunni af þessum glæframönnum og draga þá fyrir dómstóla? Mun Eva Joly lifa til að rannsaka þessa aumingja eða deyja?

[Þórir Kjartansson, 28.7.2009 kl. 07:41]

Sammála þessu Páll. En hvað um ábyrgð þeirra sem afhentu þeim bankana, eign þjóðarinnar og klöppuðu svo fyrir þeim og hvöttu áfram allt fram á síðasta dag þegar svikamyllan hrundi?

[Haraldur Hansson, 28.7.2009 kl. 09:21]

Erlendur félagi minn upplifði svipaða hluti í sínu heimalandi fyrir margt löngu; spilltir bankamenn settu samfélagið á hliðina, sem orsakaði djúpa kreppu.

Hann hefur allt aðra sýn á þetta mál. Leggur til að dólgarnir verði kyrrsettir, vegarbréfin tekin af þeim og þeim gert að búa á Íslandi mörg næstu ár. Í hans heimalandi fengu allir dólgarnir (7 manns) fangelsisdóma og hann fullyrðir að án slíkra málaloka komist aldrei ró á þjóðarsálina.