Höfuðsynd Steingríms J.

Pólitískur sjálfsmorðskandídat og formaður Vg skrifar félögum sínum og biður þá að fylgja sér fram af bjargbrúninni. Eftir svikin í ESB-málinu krefst Steingrímur J. Sigfússon stuðnings til að troða Icesave-samningnum ofaní kokið á þjóðinni. Gangi það fram verður syndaþrenna formannsins fullkomin: Umsóknin, Icesave og endalok Vinstrihreyfingarinnar græns framboðs. Sjálf höfuðsyndin var framin fyrir kosningar, eins og fram kemur í pistlinum.

Þeir eru ánægðir með svikin sem hagnast á þeim. Samfylkingarevrópuskríkjan Kolbrún Bergþórs lofar Steingrím J. í moggadálki í dag jafnframt sem hún dylur lítt fyrirlitningu sína á öllu því sem Vg stendur fyrir. Lofrulla frá Kolbrúnu Bergþórs er álíka þörf formanni Vg og rabbína sem fengi stuðningsyfirlýsingu frá nýnasista.

Í pistli sínum á vefgátt Vg er ekki orð sem réttlætir helför formanns Vg heldur er þar að finna grjótharða forherðingu. Með þótta nývaldsins gerir hann óbreytta liðsmenn samseka svikunum með eftirfarandi orðum

Þannig er þessi niðurstaða vel samrýmanleg landfundarályktun í mars síðastliðnum sem lögð var fram í kjölfar mikils starfs innan flokksins sem allir flokksmenn gátu tekið þátt í.

Orð Steingríms J. afhjúpa að hann lagði drög að svikunum löngu fyrir stjórnarmyndunarviðræður við Samfylkinguna. Hann fékk samþykktan texta á landsfundi sem mætti lesa, væri maður andskotinn með biblíu í hendi, þannig að það sé allt í lagi að hefja undirbúning að inngöngu Íslands í Evrópusambandið. Í framhaldi sendi formaðurinn þingmannsefni sín út á meðal fólks með þau skilaboð að traust væri lykilorðið. Vg væri treystandi. Sjálfur stóð hann keikur að kveldi síðasta dags kosningabaráttunnar og sagði Vg stefnufastan flokk. Í tugþúsundavís voru kjósendur blekktir. Þeim var talin trú um að Vg stæði gegn aðild að Evrópusambandinu.

Almenningur gat ekki með nokkru móti vitað að Steingrímur J. væri búinn að svíkja og hanna atburðarás sem réttlætti þau. Þegar það rennur upp fyrir alþjóð hvernig sá trausti Steingrímur J. er svikamörður sem á ekki til ærlega pólitíska taug munu kjósendur gera Vg að hjáróma krypplingaflokki þar sem félagarnir fróa sér við marxískar textaanalísur.

Athugasemdir

[Hjörtur J. Guðmundsson, 26.7.2009 kl. 12:01]

Það er alltaf að koma betur í ljós að Steingrímur og liðið í kringum hann var búið að gera ráð fyrir þeim möguleika vel fyrir kosningar að fórna Evrópusambandsmálinu fyrir setu í ríkisstjórn. Loðið orðalag þeirra fyrir kosningar við fjölmörg tækifæri sýnir það á milli þess sem kjósendur voru við og við fullvissaðir um að VG myndi ekki opna á inngöngu í Evrópusambandið. Ég hef þannig t.a.m. heyrt að formanni flokksins hafi verið send bréf sérstaklega fyrir kosningar þar sem beðið var um orð hans fyrir því að þetta yrði ekki gert. Svör hans voru einhver loðmundur.

[Óskar Helgi Helgason (IP-tala skráð) 26.7.2009 kl. 14:39]

Heill og sæll; Páll - sem aðrir, hér á síðu !

Nafni ! 

Annað hvort; ert þú, einhver mesti háðfugl, hvern finna má, hér á Ísafoldu, eða þá; að þú sért haldinn yfirgengilegri heimsku.

Það er naumast; að Samfylkingin, sem allur hennar ömurleika söfnuður, hefir náð, að slá glýju mikilli, fyrir þínar ásjónur, og,, þú skalt ekki dirfast, að hrósa þessum andskotans dára, norðan úr Þistilfirði, án þess að þér sé ekki svarað, á almennilegan hátt.

Það er; komið á annan áratug,, síðan ég sá persónuna Steingrím J. Sigfússon út, nafni minn - ég hélt; þú værir skynugri, en þetta.

Með beztu kveðjum; úr Árnesþingi /

Óskar Helgi Helgason

[Óskar Helgi Helgason (IP-tala skráð) 26.7.2009 kl. 15:19]

Komið þið sælir; á ný !

Nafni minn ! Hvers lags; andskotans útúrsnúningar eru þetta, hjá þér, drengur ?

Hélt; þig vita álit mitt, á frjálshyggju flokkunum öllum - Sjálfstæðis- og Framsóknar flokka, sem og Samfylkingunni, eða, hefir þú ekkert, lesið mína þjóðernissinnuðu síðu, dreng tetur ?

Við eigum; að taka upp náin temgsl, við Ameríkurnar - Asíu - Afríku og Eyjaálfu, nafni minn - loka á; ESB nýlenduveldin í Evrópu - heimsins mestu kúgarara !

Væri það; nokkuð afturhvarf, til miðalda, nafni minn ?

OG; LESTU BETUR, MÍN SKRIF, ÓSKAR123 - einn; minna kæru spjallvina !!!

Með; hinum beztu kveðjum, enn og aftur /

Óskar Helgi Helgason 

[Hjörtur J. Guðmundsson, 26.7.2009 kl. 15:38]

Óskar (ekki Óskar Helgi):
Þetta myndi ég kalla móðgun við mestu stjórnmálaleiðtoga okkar Íslendinga. Eins og þú lýsir að öðru leyti ágætlega þá er Steingrímur einmitt að láta Samfylkinguna nota sig til þess að koma myrkraverkum þeirra í framkvæmd.

[Helga Kristjánsdóttir, 26.7.2009 kl. 15:53]

   Því er hann eins og "Skari",í Lion King.

[Sól (IP-tala skráð) 26.7.2009 kl. 17:46]

Þessar þjóðir sjá auðlindir okkar í hillingum, við spjörum okkur utan ESB. Steingrímur J. svíkur allt og alla og mest sjálfan sig hann er enginn leiðtogi! Ég hef ekki hitt Englending sem er ánægður með ESB.

[Sigurður Guðmundsson, 26.7.2009 kl. 18:53]

Einhverra hluta vegna eru vinstri menn ákaflega veikgeðja þegar þeir eru gagnrýndir. Það er að verða að skyldu hjá vinstri mönnum að virða að vettugi sjónarmið annarra en þeirra sem hneigjast til vinstri. Vinstri menn skulu halda áfram að versla í Bónus, því eigendur þeirrar verslunar eru með geislabaug. Flottur pistill.

[Jón Óskarsson (IP-tala skráð) 26.7.2009 kl. 20:15]

Ég hef lesið pistla þína undanfarið og er iðulega sammála þér.

Í seinni tíð ertu orðinn svo orðljótur að pistlarnir eru hættir að virka. 

Því miður. 

[Predikarinn - Cacoethes scribendi , 26.7.2009 kl. 21:16]

Sæll kæri Páll.

Ég tek undir hvert orði í þessum pistli. Frábærlega að orði komist.

[Rafn Gíslason, 26.7.2009 kl. 21:21]

Páll þær fullyrðingar sem þú hefur um Steingrím J og afstöðu hans til ESB umsóknarinnar eru að mörgu leiti réttar, en ég get fullyrt að bróðurpartur félagsmanna VG er honum ekki sammála, hafi Steingrímur logið vitsvitandi að kjósendum sínum þá gerði hann það einnig gegnt félögum sínum í VG, þar á meðal mér. Fullyrðingar þínar í þá veru að kjósendur VG muni gera flokkinn að hjáróma krypplingaflokki sem fróar sér við marxískar textaanalýsur finnst mér vera smekklausar og sínir hvaða virðingu þú berð fyrir skoðunum annarra. En þá fullyrðingu mætti þá hinsvegar heimfæra á hvernig sjálfstæðismönnum hefur væntanlega liðið eftir síðustu kosningar, en þú gætir þá sett frjálsræðis textaanalýsum í stað Marxískum.

[Hjörtur J. Guðmundsson, 26.7.2009 kl. 22:28]

Sammála Rafni sem þó þekkir margfalt betur til innan VG en nokkurn tímann ég eðli málsins samkvæmt. Vinstri-grænir eru vafalítið upp til hópa hundfúlir yfir framgöngu Steingríms og þeirra sem eru í kringum hann í Evrópumálunum og Icesave-málinu.