Tilfallandi athugasemdir

Fimmtudagur, 16. júlí 2009

Hópgelding hugsjónafólks

Myndi menntamálaráðherra, Katrín Jakobsdóttir, greiða atkvæði með þingsályktunartillögu um einkavæðingu framhaldsskólanna? Fengi þingsályktun um stórfelldar virkjunarframkvæmdir stuðning Svandísar Svavarsdóttur umhverfisráðherra? Styddi Ögmundur Jónasson heilbrigðisráðherra ályktun á þingi um afnám opinberrar heilsugæslu?

Þangað til í dag hefði verið hlægilegt að spyrja svona. En eftir sjálfsvönun ráðherraliðs Vg í atkvæðagreiðslu um umsókn um aðild Íslands að Evrópusambandinu er ekkert eftir af trúverðugleika þingflokks Vg. Ætlar þetta fólk í framtíðinni að taka fram hvaða stefnuyfirlýsingar það telur að megi svíkja og hverjar ekki? Hver trúir þeim?

Kollektívt pólitískt sjálfsmorð forystu Vg kom ekki eins og þruma úr heiðskíru lofti. Það var aðdragandi þar sem einbeittur og yfirvegaður brotavilji hertist. Ítrekað var bent á leið út úr ógöngunum, samþykkja tvöfalda þjóðaratkvæðagreiðslu. En nei, þegar dómgreindinni var drekkt lokuðust hlustir.

Níunda og neðsta víti Dantes er frátekið fyrir fólk eins og svikahyskið í þingliði Vg sem greiddi atkvæði með umsókn Íslands að Evrópusambandinu. Í níunda og neðsta er hólf kennt við persónu úr biflíusögum.

Flokkur: Dægurmál | Breytt s.d. kl. 20:55 | Facebook

Athugasemdir

Mér er heitt í hamsi eins og öðrum - en spurning mín í kvöld er þessi Páll: Muntu kjósa Vinstri græna næst? Það vakti furðu mína hvað þú varst gráðugur í að kjósa VG í vor. Meira að segja hvattir landslýð til þess óarðbæra starfs. Nú sjáum við árangurinn. Eða eigum við að taka saman höndum um að dæma þetta dót niður í níunda víti Dantes?

Helgi Jónsson (IP-tala skráð) 16.7.2009 kl. 21:20

Skemmtilega beittur! Miðað við úrslitin í dag, sem reyndar komu mér ekki á óvart, er þá ekki komin ástæða til þess að safnast saman fyrir utan Alþingi með pottana okkar þegar afgreiða á Icesave? Held að það hefði orðið óþægilegra fyrir Alþingismenn ef fleiri andstæðingar ESB hefðu komið í heimsókn og truflað gleðilætin í þinginu.

Sigurður Þorsteinsson, 16.7.2009 kl. 21:44

Kjósendur fengu að vita hvað var "í boði" hjá VG. Svo komu myglaðir réttir VG á borðið. Síðasti raunverulegi söludagur reyndist útrunninn 30 árum á undan hinum falsaða síðasta söludegi. Mygluð og kæst fýlan frá vörunni reyndist eftir allt stafa frá ráðherrastólum með setu aðeins. Botnlaus úrgangur þar nú er. Drasl, gungur og lygarar

Já - hvað verður nú "í boði" VG. Óvitar!

Gunnar Rögnvaldsson, 16.7.2009 kl. 21:47

Ofaní drulluna á eftir hinum stakkst svo varaformaður Sjálfsæðisflokksins

Gunnar Rögnvaldsson, 16.7.2009 kl. 21:51

Hneyksli kvöldsins er að Þorsteinn Pálsson beri þetta mál saman við NATÓ. Það var stórt mál en ESB er miklu stærra. Aukinheldur: Bretar réðust á Ísland um daginn. Tók Þorsteinn ekki eftir því? Ísland er enn í NATÓ, og það var bresk NATÓ þjóð sem réðst á okkur. Hvað gerist þegar ein þjóð ræðst á aðra NATÓ þjóð? Að maður tali nú ekki um þegar NATÓ ræðst á aðra NATÓ þjóð? Segir þetta ekki frekar um málafátækt Þorsteins, samheldnina, styrkinn, blabla? Aumingjaskapurinn og málefnafátæktin hjá þessu fólki  þar með talið Steingrími Þistilfirðingi  er algjör.

Helgi Jónsson (IP-tala skráð) 16.7.2009 kl. 22:05

PS. Þorsteinn Pálsson var ritstjóri Fréttablaðsins í nógu langan tíma til að hafa áhrif á einhverja Sjálfstæðismenn, auk þess sem það hafði áhrif á vinstri menn sem þar með héldu að allt væri í lagi á blaðinu. Eigendum þess til mikilla gleði. Gleymum ekki hverjir eiga Fréttablaðið. Þeir áttu bankana og stórmarkaðina og bensínstöðvarnar og tryggingafélögin OG fjölmiðlana. Hefur eitthvað annað breyst annað en að Samfylkingin fékk VG í stjórn, henti X-D út, og miðlar núna út eins og þeim hentar?

Helgi Jónsson (IP-tala skráð) 16.7.2009 kl. 22:11

Eitt stærsta snúningsmálið er að Davíð Oddsson flækist ekki lengur fyrir Samfylkingunni  það var stóra pólitíska málið sem þeir kreistu í gegn með styrk Vinstri grænna, heimskulegustu stjórnmálamönnum ofan jarðar, að minnsta kosti er auðvelt fyrir Samfylkingu að fá þá til alls, bara ef andlit Davíðs Oddssonar er framan á því - slík er blindinin, slíkt er hatrið - og árangurinn eftir því. Kemur í ljós, dag frá degi.

Helgi Jónsson (IP-tala skráð) 16.7.2009 kl. 22:18

Ég er að velta því fyrir mér  svona fyrir svefninn  hvernig þingmenn VG geti sofnað? Hvernig Steingrímur hefur það, allt er þetta erfitt segir hann, voða erfitt, rosa erfitt, veldur áhyggjum, menn hafa áhyggur, þeta veldur áhygjum (þess skal getið að Samheitaorðabókin er til á prenti), og hann skilur áhyggjur allra þeirra sem voru svo vitlausir að kjósa hann en HANN en er með skoðun sem ræður, enda stúdent frá MA og fyrrum íþróttafréttaritari frá RUV og allt það: menn skuli nú athuga það þegar hann hefur sagt hug sinn, þá er vissara að hafa sig hægan: kjósendur eru bara asnar, líka þessir grænu fyrir norðan. Ég er kominn suður, ég er kominn í ráðuneyti, ég ræð, ÉG RÆÐ!!!!

Látum það vera lokaorðin í kvöldl

Helgi Jónsson (IP-tala skráð) 16.7.2009 kl. 22:28

Ekki vera svona svekktur. Það er vitað mál að margir sem kusu VG vilja aðildarviðræður. Nú verður farið í þær og svo fáum við að kjósa um útkomuna.

Ef ESB er eins hræðilegt og þú heldur þá mun þjóðin örugglega segja nei í þjóðaratkvæðagreiðslu. Við hvað eru menn hræddir?

Ína (IP-tala skráð) 16.7.2009 kl. 22:31

Ína, ég hélt það væri búið að loka skrifstofunni hjá Samfó í kvöld. Borga þeir enn yfirvinnukaup?

PS. Ég er ekkert sárt. Þjóðin mun svara, svo mikið er víst.

Helgi Jónsson (IP-tala skráð) 16.7.2009 kl. 22:39

Hér koma orð kvöldins, sérstaklega fyrir letingja eins og mig:

Spurður hvað taki nú við hjá þingflokknum svarar hann: Ég veit ekki hvernig þessi þingflokkur á að virka í framtíðinni."

Þráinn segist þó ekki ætla að hætta.

Þar með er komin dagskrá fyrir rithöfundinn Þráin sem hefur hingað til skrifað bækur sem hafa flokkast undir spennusögur en ekki staðið undir nafni. Nú er komið að því að rithöfundurinn standi bókstaflega undir nafni (ríkið borgar honum 240.000 pr mánuð fyrir að þykjast vera rithöfundur PLÚS þingmannalaun). Eigum við launagreiðendur að gera kröfur?

Sigríður (IP-tala skráð) 16.7.2009 kl. 22:55