Búðarlokusálfræði Mogga

Auglýsingasálfræðin í spurningu Morgunblaðsins er hliðstæð venju sumra verslana að setja sælgætisrekka í rétta hæð fyrir börn til að þau nauði í foreldrum að kaupa gotterí. Í öllu sínu veldi er spurning Morgunblaðsins þessi: Ertu hlynnt(ur) eða andvíg(ur) því að taka upp aðildarviðræður við ESB?

Lykilorðin eru að taka upp. Málfarslega er eðlilegra að segja hefja aðildarviðræður... o. s. frv. En sögnin að hefja vísar til ákvörðunar, maður ákveður að hefja eitthvað. Og Morgunblaðið vill ekki láta þjóðina halda að hún sé að taka ákvörðun um að hefja aðildarviðræður með því að sækja um aðild. Nei, Moggalygin er að það sé verið að taka upp aðildarviðræður, svona eins og maður tekur upp pakka til að sjá hvað er í honum.

Allir sem kunna að lesa vita að í Evrópusambandspakkanum er aðeins eitt: Evrópusambandið. Moggalygar fela ekki þá bláköldu staðreynd.

Athugasemdir

[Páll Geir Bjarnason, 14.6.2009 kl. 15:30]

"Allir sem kunna að lesa vita að í Evrópusambandspakkanum er aðeins eitt: Evrópusambandið. Moggalygar fela ekki þá bláköldu staðreynd."

Þá fellur þessi grein þín um sjálfa sig. Allir sem kunna að lesa (nánast allt úrtakið) "sá í gegnum" plottið og svaraði því í raun spurningunni "Viltu sækja um Evrópusambandsaðild?"

Að öðru leiti ber þessi grein vott um sjúklega ofsóknarkennd. Vonda, vonda Evrópusambandið er að koma að borða mig! Hvílík þvæla!

[Jóhannes (IP-tala skráð) 14.6.2009 kl. 17:01]

Ég man ekki betur en að höfundur hafi dásamað niðurstöðu sérhannaðrar könnunar Heimssýnar sem var með óvenju villandi spurningar. Niðurstaða þeirrar könnunar var að sjálfsögðu rangtúlkuð af Heimssýnarliðinu og send á fjölmiðla þar sem bláeygir fréttamenn lápu vitleysuna gagnrýnislaust upp.

Svona ofstæki er dapurlegt innlegg í ESB umræðuna.

[Gunnlaugur Ingvarsson (IP-tala skráð) 14.6.2009 kl. 17:41]

Það er hárrétt hjá þér Páll, hjá Mbl var þetta var miklu frekar "skoðanahönnun" frekar en heiðarleg og upplýsandi skoðanakönnun.

Skoðaðu endilega blogggrein mína um þessa hönnunar aðferðarfræði þeirra ESB sinna.

Við Pál Geir vil ég segja, já það eru miklar og sterkar tilfinningar í þessum málum og menn skyldu ekki gera neitt lítið úr þeim.

Einnig að það er mikill ábyrgðarhluti og hrein þjóðar-vitleysa að splundra nú þjóðinni vegna þessarar ESB þráhyggju annars stjórnarflokksins.

Það er grafalvarlegt mál og eitthvað er vitlaust unnið að málunum þegar þúsundir manna taka undir það að það sé verið að vinna landráð gegn þjóðinni.

En áfram skal haldið samt í þessum ESB rétttrúnaði og meira að segja er annað látið bíða sem þó væri nær að snúa sér að og hægt væri að sameina þjóðina um, í stað þess að sundra henni með þessum hætti.

                                   ÁFRAM ÍSLAND - EKKERT ESB !

[Páll Geir Bjarnason, 14.6.2009 kl. 18:01]

Geri ekki lítið úr tilfinningum manna Gunnlaugur, hins vegar gagnrýni ég þegar menn eru farnir að hugsa með tilfinningalífinu (hjartanu) í staðinn fyrir rökfestu (heilanum).

[Páll Vilhjálmsson, 14.6.2009 kl. 18:24]

Ég hefði betur skrifað ,,allir sem nenna að lesa". Könnun eins og Morgunblaðsins er hönnuð til að hafa áhrif á almenningsáltið og þótt við séum þokkalega læs þjóð nenna ekki allir að lesa. Könnun Heimssýnar var sanngjarnari enda þar spurt hvort fólki vildi fá þjóðaratkvæði um aðildarumsókn.

[Páll Geir Bjarnason, 14.6.2009 kl. 18:40]

Könnun Heimssýnar var torræðin og loðin langloka sem var ekki síður hönnuð til að hafa áhrif á almenningsálitið. Reyndar var orðalagið í Heimssýnarkönnuninni með ólíkindum klaufalegt og margrætt.

[Gunnlaugur Ingvarsson (IP-tala skráð) 14.6.2009 kl. 19:31]

Ég get tekið undir með Páli Geir að könnun Heimssýnar var ekkert skárri og ekki síður moðsuða og tilraun til þess að hanna útkomuna, eins og Mbl könnunin var.

Þess vegna bíð ég eftir alvöru skoðanakönnun sem reynir að nálgast viðfangsefnið heiðarlega og sanngjarnt og yrði því að vera svona;

"Villt þú að stjórnvöld Íslands sæki nú um aðild landsins að ESB og í framhaldi hefjist aðildarviðræður við Bandalagið á grundvelli fyrirliggjandi þingsályktunartillögu utanríkisráðherra Íslands"  

Ég er alveg sannfærður um það að meirihluti fólks myndi svara þessari spurningu neitandi og það óttast aðildarsinnar og þess vegna hafa þeir nú fundið uppá Því að spyrja hálfrar spurningar og aðeins um aðildarviðræður alveg eins og að ekki þurfi að sækja um aðild áður en hægt er að fá viðræður.

[Jón Valur Jensson, 14.6.2009 kl. 19:58]

Íslendingar hafa það hvorki á valdi sínu að "taka upp" né "hefja" aðildarviðræður. Það, sem þeir hafa á valdi sínu í þessu sambandi (fyrir utan að fá – ef stjórnvöld leyfa! – að taka afstöðu til þess um leið, hvort við ættum kannski frekar að sækja um aðild að fríverzlunarbandalaginu NAFTA, sem væri okkur miklu útlátaminna og gæfi aðgang að stærra markaðssvæði) er að sækja um inngöngu í Evrópubandalagið. Það er ekki fyrr en ákveðið hafi verið í Brussel að samþykkja þá umsókn, að "aðildarviðræður" eða öllu heldur viðræður um inngöngusáttmála (accession treaty) geta hafizt.

Rétta spurningin væri því hvorki sú, sem Mogginn stillir upp né heldur sú sem Páll leggur til í staðinn, heldur þessi: Ertu hlynnt(ur) því, að sótt verði um inngöngu í Evrópubandalagið?

En um þessi mál öll skrifa ég mikið á vef mínum.