Aðildarviðræður felldar í skoðanakönnun

Þjóðin hefur ekki áhuga á aðildarviðræðum við Evrópusambandið, samkvæmt nýrri skoðanakönnun Capacent Gallup. Við bíðum nánari frétta af könnuninni frá fjölmiðlum.

Athugasemdir

[Jóhannes (IP-tala skráð) 2.6.2009 kl. 17:37]

Þetta er oftúlkun hjá þér á niðurstöðum. Spurningar Heimssýnar eru þannig úr garði gerðar að niðurstaðan verður villandi. Það að leggja litla áherslu á aðildarviðræður við ESB er alls ekki það sama og vera andsnúinn aðildarviðræðum.

En tilgangurinn helgar meðalið. Könnunin var greinilega gerð til að afla fóðurs í áróðursstríð.

[Jón Óskarsson (IP-tala skráð) 2.6.2009 kl. 18:02]

Eigum við ekki að anda rólega því þjóðin virðist ætla að hafa vit á því að fella þetta í atkvæðagreiðslu.

[Hjörtur J. Guðmundsson, 3.6.2009 kl. 23:33]

Forysta Samfylkingarinnar hefur aftur réttlætt æðibunugang sinn í málinu með því að halda því fram að um væri að ræða sérstaka kröfu frá almenningi um að þetta mál yrði keyrt í gegn nánast ekki seinna en í gær.

Þessi skoðanakönnun Gallup og fleiri sýna að þetta er rangt. Flumbrugangur forystu Samfylkingarinnar er algerlega á hennar eigin reikning. Þessi skoðun fellir því þær aðildarviðræður sem Samfylkingin vill að hefjist sem fyrst. Þ.e. þjóðin er ekki með í þeirri vegferð.

Og annað, Evrópusambandssinnar með Samfylkinguna fremsta í flokki hafa hamrað á því sérstaklega þá mánuði sem liðnir eru frá bankahruninu. En fólk er greinilega ekki að kaupa þetta. Skoðum þetta nánar út frá könnun Gallup:

Tæplega 81% telja að ríkisstjórnin eigi að leggja mjög mikla áherzlu á að leysa fjárhagsvanda heimilanna, rúm 67% mjög mikla áherzlu á að leysa fjárhagsvanda fyrirtækja en einungis tæp 22% mjög mikla áherzlu á að hafnar verði viðræður um inngöngu í Evrópusambandið.

Þetta eru einfaldlega sláandi niðurstöður og segja það eitt að fólk tengir þetta þrennt einfaldlega ekki saman.