Hausatalning þingmanna í ESB-málinu

Þingflokkar framsóknarmanna og sjálfstæðismanna hafa sameinast um tillögu um vandaða málsmeðferð í ESB-málinu. Þessir tveir þingflokkar hafa 25 þingmenn og þeir munu ekki greiða atkvæði með tillögu Össurar Skarphéðinssonar utanríkisráðherra. Fimm þingmenn Vinstri grænna hafa talað þannig að nær öruggt er að þeir styðji ekki tillögu Össurar; Atli, Ásmundur Einar, Þuríður, Jón og Lilja Rafney. Samtals 30 þingmenn.

Þingmenn Vinstri grænna sem ótrúlegt er að greiði tillögu Össurar atkvæði eru Guðfríður Lilja,  Árni Þór og Álfheiður. Í ráðherraliði Vinstri grænna eru m.a. Katrín Jakobs og Svandís sem yrðu að halda fyrir nefið ef þær ætluðu að segja já við tillögu utanríkisráðherra.

Aðrir í Vg: Ögmundur er talinn arkitektinn að samkomulaginu við Samfylkinguna og er fortapaður. Lilja Móses er talin veik fyrir aðildarumsókn. Björn Valur er spurningamerki og Steingrímur J. krossgáta.

Borgaraflokkurinn er kominn á mála hjá Samfylkingunni og greiðir tillögu Össurar atkvæði sitt.

Eins og staðan er í dag þá er mögulega naumur meirihluti fyrir tillögu Össurar. En það er pólitískt brjálæði að drösla þingsályktun um aðildarumsókn í gegnum þingið á þessum forsendum.

Athugasemdir

[Páll Blöndal, 29.5.2009 kl. 00:29]

Mér heyrist hún Þorgerður Katrín vera heit og jafnvel fleiri D.
Steingrímur  J. verður held ég að styðja tillöguna.
Hann gæti í öllu falli ekki greitt atkvæði gegn.

[Hjörtur J. Guðmundsson, 29.5.2009 kl. 00:40]

Þorgerður hefur lýst því yfir að hún geti ekki stutt tillögu ríkisstjórnarinnar. Þingmenn VG kunna að sitja hjá. Ef þeir gera það allir kann staðan að verða 25 þingmenn D og B gegn 24 þingmönnum S og O.

[Páll Blöndal, 29.5.2009 kl. 01:15]

já, þetta gæti verið tæpt á hvorn veginn sem það fer
en við verðum bara að sætta okkur við niðurstöðuna
hver sem hún verður.
Þorgerður gæti setið hjá.

[GH (IP-tala skráð) 29.5.2009 kl. 09:48]

Hvers vegna er verið að flækja málin og þau ekki rædd eins og þau liggja fyrir? Þingsályktunartillaga B og D hefur augljóslega engan annan tilgang en að reka fleyg á milli VG og S og fella þannig stjórnina, því að að tillögunni standa menn sem hafa lýst yfir því að þeir komi aldrei til með að styðja aðildarumsókn að ESB á meðan aðrir flutningsmanna hafa lýst yfir því að sækja eigi um að ákveðnum skilyrðum gefnum -- sem eru nákvæmlega hin sömu og sett eru fram í þingsályktunartillögu stjórnarinnar. Leikhús fáránleikans birtist síðan glöggt í því þegar menn eins og Hjörtur J. Guðmundsson og Páll Vilhjálmsson segjast styðja "vandaða málsmeðferð í ESB málinu". Það skiptir nefnilega engu máli hversu oft verður farið yfir málið eða hvað kemur út úr málsmeðferðinni, þeir hafa gert upp hug sinn og verða á móti aðildarumsókn hvað sem tautar og raular. Þeir hafa auðvitað fullan rétt á þeirri skoðun, en er ekki kominn tími til að hætta þessari vitleysu og viðurkenna að það er ekki hægt að sætta þá sem eru algerlega á móti ESB og þá sem eru mjög fylgjandi aðild? Er ekki einlægast að leiða þetta mál til lykta og athuga hvort það er þingmeirihluti fyrir aðildarumsókn og ef hann er fyrir hendi að ganga í málið en hætta við það ef meirihlutinn vill ekki sækja um? Á endanum er það svo þjóðin sem kýs um aðildarsamning -- það er hin lýðræðislega lausn deilumála af þessu tagi og þeir sem verða undir verða einfaldlega að beygja sig undir dóm meirihlutans.

[Haraldur Baldursson, 29.5.2009 kl. 10:27]

Ögmundi verður ekki skotaskuld í því að svíkja þjóðina, enda kominn í æfingu eftir að svíkja skjóæstæðinga sína í BSRB.

[Páll Blöndal, 29.5.2009 kl. 10:41]

Haraldur, Ögmundur er einn fárra manna sem kalla má hugsjónamann. Að brigsla honum um svik er bara rugl.
Kannski hefði þjóðin átt að hluste betur þegar hann varaði
við þessari gengdarlausu einkavinavæðingu.
Myndin "The Big Sellout" sýndi hvernig ofsatrú hægrimanna
á því fyrirbæri getur haft hörmulegar afleiðingar. 

Það er enginn að svíkja neitt í þessu ESB máli.

[Haraldur Baldursson, 29.5.2009 kl. 10:57]

Páll það að tala eins og hugsjónamaður tryggir ekki að maðurinn sé það. Betra er að mæla menn á aðgerðurm.....og í samhengi Big sell out...hver er að selja okkur núna ? Það eru xS og VG.

[Páll Blöndal, 29.5.2009 kl. 11:17]

Haraldur, ég hélt að menn væru almennt sammála um að ef ekki hefði
komið til einkavæðingar bankanna sem D&B keyrðu í gegn,
þá værum við ekki í þessum vandræðum í dag.
Það hefði náttúrulega ekki breytt neinu með alheimskreppuna, en
einkavinavæðing bankanna er og verður okkur dýrt glappaskot.

og enn og aftur. S og VG eru að gera sitt besta í brunarústunum.
Slökkviliðið stendur frammi fyrir gerðum hlut eins og öll þjóðin.

[Jóhannes (IP-tala skráð) 29.5.2009 kl. 13:25]

Það er fréttnæmt er að nánast enginn munur á meginefni tillagnanna annar en málsmeðferðin og þar með tímaþátturinn.

Ef skilgreina á samningsmarkmið undir merkjum utanríkismálanefndar þingsins áður en farið erí viðræður mun ferlið væntanlega tefjast um nokkra mánuði. Fyrir þá sem fyrirfram eru andsnúnir ESB aðild er frestur líklega á illu bestur!

Tillaga B og D ber síður en svo með sér að málsmeðferðin verði vandaðri. Þetta var líklega eina útspilið sem þessir flokkar höfðu til að komast að samningaborðinu. Og tillögurnar eru svo líkar að það bæri merki um pólitískan vanþroska þingmanna ef ekki næst samkomulag á breiðum grundvelli um eina tillögu.

[Sigurður Þorsteinsson, 29.5.2009 kl. 16:51]

Samkvæmt skoðanakönnunum er meirihluti þjóðarinnar inn á því að við eigum að fara í aðildarviðræður við ESB. Jafnframt telur meirihluti þjóðarinnar að við munum ekki ná ásættanlegri niðurstöðu. Er ekki líklegt að skoðanir þingmanna séu eitthvað í þessa áttina. Nokkrir þingmenn vilja að farið sé í aðildarviðræður en eru sannfærðir um að ásættanleg niðurstaða fáist ekki. Verði niðurstaðan lögð fyrir þjóðina muni málið verða fellt.

Það sem er brýnast er að kynna fyrir þjóðinni kosti og galla aðildar að ESB. Morgunblaðið stóð sig afar vel í því í vetur, hins vegar held ég að aðeins lítill hluti þjóðarinnar setjist niður og lesi slíkar greinar. Einfalda þarf málið eins og tök eru á. Það er verðandi verkefni fyrir fjölmiðlamenn okkar, sem virðast því miður hafa meiri áhuga á að velta sér upp úr styrkjamálum eða meintum spillingarmálum og setja sig í dómarasæti áður en niðurstöður rannsókna liggja fyrir.