Heimilin, fyrirtækin og þingsályktunin

Ríkisstjórnin veðjar á að þjóðin telji brýnast að send verði inn aðildarumsókn til Evrópusambandsins. Ráðuneyti Jóhönnu Sigurðardóttur er sannfært um að vandi heimila og fyrirtækja landsins sé svo léttvægur að ryðja megi þeim málefnum úr vegi til að þingsályktun um aðild Íslands að Evrópusambandinu komist á dagskrá.

Þjóðin veitti ekki meirihluta alþingis umboð til að sækja um aðild að Evrópusambandinu. Það er bláköld staðreynd sem hrossakaup á þingi geta ekki dregið fjöður yfir.

Þingsályktun Össurar Skarphéðinssonar utanríkisráðherra er gróf móðgun við þjóðarviljann enda gengur hún í berhögg við nýafstaðnar kosningar.

Athugasemdir

[JR (IP-tala skráð) 28.5.2009 kl. 23:03]

Þú ert bara að endurtaka þig aftur og aftur og aftur og aftur og aftur og aftur og aftur og aftur og aftur !

[Sigurbjörn Svavarsson, 28.5.2009 kl. 23:06]

JR

Það þarf að endurtaka sumt oft fyrir þá sem ekki skilja.

[Hjörtur J. Guðmundsson, 29.5.2009 kl. 00:41]

Sjaldan er góð vísa of oft kveðin.