Sósíalismi neyðarinnar

Laun voru skrúfuð niður á Íslandi eftir bankahrunið. Almenn samstaða myndaðist í þjóðfélaginu um að laun skyldu lækkuð, þau hæstu mest. Afleiðingin verður launajöfnun.

Skattar verða hækkaðir, burtséð frá því hverjir sitja næstu ríkisstjórn. Reynt verður að skerða sem minnst í mennta- og heilbrigðiskerfi en líklega verður kroppað þar í en þó meira í málaflokka eins og samgöngumál.

Gengisskráning krónunnar fækkar utanlandsferðum landsmanna. Vannýttir sumarbústaðir verkalýðsfélaga eru yfirbókaðir.  Bílaflotinn eldist næstu misserin en það leiðir aftur til meiri vinnu á bifreiðaverkstæðum.

Heimilisiðnaður nær sér á strik með prjónaskap og matjurtaræktun. 

Þjóðin vinnur skemmri vinnudag. Hverskyns félagsstarf blómstrar sem aldrei fyrr.

Við kjósum Vinstri græna 25. apríl.

Athugasemdir

[Andrés Magnússon, 15.4.2009 kl. 23:52]

Þetta er dálagleg lýsing hjá þér Palli!

Munum svo tala um árið núll?

[María Kristjánsdóttir, 16.4.2009 kl. 00:34]

Ég fer bara að sofa róleg í kvöld. Því er ekki maður manns gaman.

[IMV (IP-tala skráð) 16.4.2009 kl. 08:07]

Damn right!!

[Sigurður Þorsteinsson, 16.4.2009 kl. 08:26]

Það mætti bæta  í lýsinguna. 18 þúsund manns eigra um atvinnlausir, eð þeirri einni vissu að þeim mun bara fjölga og stjórnvöld vita ekkert hvað til bragðs á að taka.

[blaðamaður (IP-tala skráð) 16.4.2009 kl. 09:13]

Nei það dettur mér ekki í hug Páll Vilhjálmsson að kjósa Vinstri græna. Við kjósum því ekki Vinstri græna.  Það er líka óraunhæft að tala um að ekki verði hagrætt og sparað í heilbrigðis- og menntakerfinu. Páll,  á næstu þremur árum þarf að hagræða um 150 milljarða, 50 á hverju ári og auðvitað verða þessir málaflokkar fyrir barðinu. Við skilum auðu.

[Tómas Ibsen Halldórsson, 16.4.2009 kl. 12:12]

Ótrúlegt er að fólk skuli ekki vera búið að fatta hvað ríkisstjórnin ætlar að gera.  Það á að hækka skatta og til þess að skatttekjurnar skili sér í enn meira mæli en ella þá ætlar ríkið að ráða þúsundir manna í vinnu, á launaskrá hjá ríkinu, til þess að fá skatttekjur af þeim.  Þetta eru snillingar

[omj (IP-tala skráð) 16.4.2009 kl. 13:39]

Hækka skatta á hærri tekjur, lækka hærri tekjur ... til hvers er þá unga fólkið að mennta sig?

[Gísli Ingvarsson, 16.4.2009 kl. 17:04]

Það mætti halda að þeir sem tjá sig hér búi heima hjá mömmu sinni. Borga ekki til heimilisins þó mamma gamla eigi ekki fyrir leigunni.

[Andri Geir Arinbjarnarson, 16.4.2009 kl. 17:20]

Tækjakostur og lyfjakistur Landspítalans munu eldast og aðrar þjóðir komast fram úr okkur í lífslíkum. 

Já kjósum VG!