Leppar til að fela spillingu Sjálfstæðisflokksins

Atkvæði greitt Sjálfstæðisflokknum er atkvæði með óupprættri spillingu. Flokkurinn tók við stórum fúlgum frá Landsbankanum og FL-group kortéri áður en það var bannað samkvæmt lögum. Litlu síðar reyndu trúnaðarmenn flokksins, þingmenn þar á meðal, að gjalda greiðann með því að selja opinberar eigur til FL-group og tengdra félaga. Á mannamáli heitir þetta að þiggja mútur.

Útrásarauðmenn léku þann leik að fá leppa til að fela subbuslóð óheiðarleika í fjármálum. Sjálfstæðisflokkurinn fær tvo leppa til að fela pólitískan óheiðarleika.

Í pólitík, eins og í lífinu, er munur á mistökum og óheiðarleika. Sjálfstæðisflokkurinn ber almenna pólitíska ábyrgð á því að leiða óhefta frjálshyggju til vegs og virðingar í landsmálum. Það voru mistök að reisa ekki skorður við uppgangi blindrar græðgi. Mútumálið er ekki mistök heldur óheiðarleiki. Sjálfstæðisflokkurinn seldi pólitísk áhrif fyrir peninga og gerði það yfirvegað og kaldrifjað.

Forysta Sjálfstæðisflokksins fékk tækifæri til að bjóða þjóðinni sátt með því að taka afgerandi á mútumálinu. Tækifærið var ekki nýtt heldur var skrifað ótrúverðugt leikrit þar sem fíflum var att á foraðið og það kallað að upplýsa málið. 

Þegar Sjálfstæðisflokkurinn upprætir ekki spillingu í eigin ranni verður þjóðin að uppræta Sjálfstæðisflokkinn. Vonandi gerir hún það 25. apríl.

Söfnuðu fé fyrir flokkinn

Athugasemdir

[Haraldur Baldursson, 12.4.2009 kl. 13:44]

Krossarnir eru 3. Enn er laust á einum þeirra.

[TómasHa, 12.4.2009 kl. 13:55]

Bara minna þig á að það voru borgarfulltrúar sjálfstæðisflokksins sem stöðvuðu þetta. Þá sagði Össur að þetta hefði kostað skattborgara milljarða.

Hvað fékk Össur?

[Baldur Hermannsson, 12.4.2009 kl. 14:16]

Tómas, þetta er hárrétt hjá þér. Manstu hverjum var kennt um að hafa hvatt sexmenningana til að stöðva söluna?

[Hlédís, 12.4.2009 kl. 14:20]

Hvað fær TómasHa greitt hjá flokknum sínum fyrir að standa í varnarskrifum?

Hér er verið að tala um upplýst mál, TómasHa, ekki getgátur og dylgjur um að AÐRIR hafi KANNSKI LÍKA...   Þú skrifar í anda Nixon :"Let them deny it" -  Verði þér félagsskapurinn að góðu.

[Kolla (IP-tala skráð) 12.4.2009 kl. 15:06]

Mistök er ofnotað orð í orðasafni SjálfstæðisFLokksins. FLokkurinn grefur dýpra og dýpra með hverri yfirlýsingunni. Gröfin endar með því að verða þeirra eigin. Ekkert útlit fyrir upprisu þar á bæ.

[Helga , 12.4.2009 kl. 15:40]

Mér þótti dálíðið fróðlegt að skoða styrkjasamsetningu yfir 1 milljón hjá okkar tveimur stærstu stjórnmálaflokkum....  Út frá því mætti hugleiða ýmislegt,  eins og t.d. það að samfylking nýtur mun fleiri hárra styrkja heldur en sjálfstæðisflokkurinn frá fyrirtækjum.  Finnst okkur það eðlilegt miðað við þá staðreynd að á þessu ári var Sjálfstæðisflokkurinn miklu stærri flokkur.  Svo það að ef við drögum frá þessa "ruglháu" -styrki sem Sjálfstæðisflokkur fékk frá FL og Landsbanka að þá kemur í ljós að Samfylking sem hafði á bak við sig MIKLU FÆRRI KJÓSENDUR fékk MIKLU MEIRI PENING...  Hvað segir það okkur?  Tengdust kannski peningamennirnir og sukkið meira samfylkingunni?  Ég spyr nú bara sem almennur kjósandi....  Ef flokkar eiga að heita rætnir fyrir að þiggja mikinn pening, eru þeir þá eitthvað betri þótt þeir þiggi mikið (langt yfir fyrirhuguðum hámörkum) af mörgum.....?  Var ekki verið að setja lög 2007 um hámark 300.000 kr. framlag?  Samfylking er með miklu fleiri styrki háa, þótt hún hafi ekki tvo risastyrki þar á meðal.  Og af hverju fékk samfylking risaframlög (svona marga styrki yfir milljón) 2006 rétt áður en lögin voru sett?  Eru þeir eitthvað minna sekir en Sjálfstæðismenn?  Þeir fengu jú bara 9 milljónir 2005 og 11 milljónir 2007.....  Er þá ekkert skrítið að þeir fái 36.000.000 (og það bara frá fyrirtækjum 2006)? 

Ef "ruglstyrkirnir" 2006, sem 99% sjálfstæðismanna eru sammála um að séu rugl þótt þeir hafi verið löglegir   eru dregnir frá styrkjum yfir einni milljón frá fyrirtækjum, kemur í ljós að LANG STÆRSTI FLOKKUR Íslands á þeim tíma, er með 30% minni fjárframlög frá fyrirtækjum heldur en næststærsti flokkurinn......     Og svona í lokin, ekki var sjálfstæðisflokkur með styrk frá Baugi... og.... skuldaði ekki Jón Ásgeir langt umfram það sem m.a. Kárahnjúkavirkjun kostaði okkur?   Var fyrirgreiðsla í gangi?  Samfylking var jú í stjórn...?  Viðskiptaráðherra, Bankamálaráðherra vr jú samfylkingarmaður.....  Leggið nú saman tvo og tvo....

Styrkir Samfylkingar frá 2006 (yfir einni milljón)Actavis hf. 3.000.000
Baugur Group hf. 3.000.000
Eignarhaldsfélag Samvinnutrygginga 1.000.000
Eimskipafélag Íslands 1.000.000
Exista ehf. 3.000.000
Eykt ehf. 1.000.000
FL-Group hf. 3.000.000
Glitnir 3.500.000
Kaupþing 5.000.000
Ker hf. 3.000.000
Landsbanki Íslands 4.000.000
Milestone 1.500.000
Sparisjóður Reykjavíkur og nágrennis 1.000.000
Straumur Burðarás fjárfestingabanki 1.500.000
Teymi ehf. 1.500.000
Samtals  36.000.000  

Styrkir Sjálfstæðisflokks frá 2006 (yfir einni milljón)

Exista hf.	3.000.000
FL-Group hf.	30.000.000
Glitnir banki hf.	5.000.000
KB-banki hf.	4.000.000
Landsbanki Íslands hf.	5.000.000
Landsbanki Íslands hf.	25.000.000
MP-Fjárfestingarbanki	2.000.000
Straumur-Burðarás hf.	2.500.000
Tryggingamiðstöðin	2.000.000
Þorbjörn hf.	2.400.000
Samtals	80.900.000

Frádregið ruglið:  55.000.000

SAMTALS:          25.900.000 

[Hlédís, 12.4.2009 kl. 16:01]

Helga kann að drega frá og sjálfsagt að deila.

Eru ekki ansi mörg Sjálfstæðisfélög í landinu? Eru allir styrkir til þeirra allra árið 2006 komnir fram? - og það á einum frídegi, skírdegi.

Hvað ætli við förum að rengja strangheiðarlegan FL-okkinn.

[Torfi Hjartarson (IP-tala skráð) 12.4.2009 kl. 16:11]

Þetta eru ekki styrkir heldur bein kostun eða mútur eins og Páll segir og það sem verst er óhreint fé.  Hvaðan kemur líka þetta fé sem dælt var í rekstur flokkanna frá bönkunum og eignarhaldsfélögum tengdum þeim - líklega 500-1000 m.kr. s.l. fimm til sex ár?

Sjóður 9, Peningamarkaðssjóðir, hlutabréfasjóðir, bankar og eignarhaldsfélög sem nú eru verðlaus, endurhverf viðskipti bankanna við Seðlabankann, ótryggðar innistæður líknarfélaga, lögreglu og menntastofnana í Englandi og Hollandi, innlendir viðskiptavinir bankanna, erlendir bankaeigendur og Seðlabankar.

Eigum við að segja Gordon Brown að Geir H. Haarde og hinir íslensku flokksforingjarnir hafi fengið "cut" þegar Norður Evrópa var "rænd"?

Flokkarnir eiga skila þessu illa fengna fé - hverri einustu krónu!

[Örn Johnson ´43 (IP-tala skráð) 12.4.2009 kl. 17:19]

Takk, Helga, fyrir að taka þetta svona skýrt saman. Látu ekki þessa Hlédísi fara í taugarnar á þér, sumt fólk er bara svona. Henni til upplýsnga þá er búið að birta opinberlega stærstu framlögin til allra flokkanna árið 2007 og svo eru Sjálfstæðisfélögin í landinu um 170.  Næsti flokkur er með um 70 að mér er sagt.

[Kristján Sigurður Kristjánsson, 12.4.2009 kl. 17:47]

Yfirlit yfir þau fyrirtæki sem veittu styrki að upphæð ein milljón króna eða hærri árið 2006 er að finna hér fyrir neðan.

BNT                                  2.500.000
Ehf. Andvaka                     1.000.000
Ehf. Samvinnutryggingar     1.000.000
Eimskip                            1.000.000
Eykt                                 5.000.000
Glitnir                               2.500.000
Kaupþing banki                 4.000.000
Landsbankinn                    2.000.000
Mjólkursamsalan                1.000.000
Nýsir                                2.000.000
Samskip                           1.500.000

Samtals:                         23.500.000



Sigmundur Davíð Gunnlaugsson
formaður

Birkir Jón Jónsson
varaformaður

Eygló Þóra Harðardóttir

[ThoR-E, 20.4.2009 kl. 14:37]

Miðað við allt sem komið hefur fram ... um spillingu og framgöngu Sjálfstæðisflokksins ... sem hefur á köflum unnið gegn hagsmunum þjóðarinnar ... að þá bara hreinlega trúir maður ekki ... að nokkur heilvita manneskja ætli að kjósa þennan flokk.

Þetta er með ólíkindum... hvað gengur þessu fólki til?

Vill það áfram spillingu.. þar sem flokksgæðingar og styrktaraðilar FLokksins ... fá endalaust upp í hendurnar ... og við hin þurfum að borga fyrir allt saman.

Nei takk! Aldrei aftur Sjálfstæðisflokkinn í ríkisstjórn!!

[Baldur Hermannsson, 20.4.2009 kl. 16:17]

AceR, er ekki varhugavert að hengja sig fastan í löngu liðna atburði? Það eru komnar nýjar reglur um fjárreiður flokkanna. Og nýtt fólk. Þessar gömlu styrkveitingar eru ekki frágangssök. Það eru til ýmis önnur atriði sem dæmast Sjálfstæðisflokknum í óhag, og ég skil vel að fólk skuli láta þau atriði ráða úrslitum.

[ThoR-E, 20.4.2009 kl. 16:22]

Það er sennilega það sem mun bjarga Sjálfstæðisflokknum frá algjörum ósigri.

Geir hættur, reyndar ákvað hann það áður en þetta mál kom upp. Framkvæmdastjórinn hættur vegna málsins. 

En Guðlaugur Þór ... hefði þurft að segja af sér líka, segja margir. Hann var með puttana í þessu máli, það getur enginn sagt neitt annað.

En þetta styrkjamál var og er slæmt fyrir Sjálfstæðisflokkinn.. og á hann alveg gagnrýni skilið vegna þess.

[Baldur Hermannsson, 20.4.2009 kl. 17:14]

AceR, það mun EKKERT bjarga Sjálfstæðisflokknum frá algjörum ósigri. En kjósendur mega ekki hengja sig í gamlar syndir - enda, hvern ættu þeir þá að kjósa? Allir flokkar hafa syndabyrði á bakinu. Íhaldinu verður refsað harðlega - með réttu eða röngu. Þverstæðan er samt sú, að þessi sömu kjósendur væru betur komnir með íhaldið í ríkisstjórn. Vinstri flokkarnir eiga eftir að keyra okkur svo djúpt í forina að það er ekki einu sinni víst að ESB myndi taka við okkur.

[ThoR-E, 20.4.2009 kl. 17:38]

Ég hef áhyggjur af því. VG og Samfylkin hafa ekkert gert.

Valmöguleikarnir eru fáir á laugardaginn, það er staðreynd.

[EE elle (IP-tala skráð) 21.4.2009 kl. 12:08]

Tekið af eyjan.is:

Sigmundur Guðmundsson, stærðfræðingur
17. apríl, 2009 kl.20:23

Margir telja að stærsta vandamál Íslands sé efnahagslegs eðlis.

Þessu er ég algerlega ósammála !!

Efnahagsvandinn er sannarlega RISAVAXINN en hinn siðferðilegi
vandi er að mínu mati miklu stærri.

Það þarf að verða algjört uppgjör á Íslandi. Annars mun þar ekki
þrífast siðmenntað samfélag í framtíðinni.

Annars munu þeir sem hafa áhuga á því að búa í slíku samfélagi flytjast
frá landinu. (Ég gerði þetta sjálfur fyrir mörgum árum)

Besta dæmið um siðleysið sem ég man eftir í svipan er þetta:

Menntamálaráðherra Sjálfstæðisflokksins til margra ára tók sjálf þátt í
veislunni ásamt eiginmanni sínum og tók stórkostleg lán hjá Kaupþingi
þar sem hann var í vellaunaðri áhrifastöðu. Það sýnir sig að þessi
stórfelldu “kúlulán” voru tekin án raunverulegra veða.

Þrátt fyrir að þetta sé nú vel þekkt bauð frúin sig aftur fram í embætti
varaformannsins og hlaut góða kosningu.

ÞETTA ER LANGT FRÁ ÞVÍ AÐ VERA HEILBRIGT, bæði hvað
varðar frúna og kannski ENN frekar hvað varðar FLOKKINN

Þetta lið er svo alvarlega siðblint og það er löngu kominn tími til að það fái sér frí !!!

http://eyjan.is/blog/2009/04/17/hagsmunasamtaka-heimilanna-segja-logmaeti-gengistryggdra-husnaedislana-vafasamt/