Vinstri-grænum egnd gildra

Framsóknarflokkurinn egndi gildru fyrir Vinstri-græna með því að bjóða hlutleysi sitt minnihlutastjórn Vinstri-grænna og Samfylkingar. Ef Steingrímur J. og félagar tækju sæti í þriggja mánaða starfsstjórn yrðu öll vafamál hrunsins óðara komin í fang þeirra. Samfylkingin fengi hrós fyrir að sparka Sjálfstæðisflokknum úr stjórnarráðinu og mætti vel við una.

Álengdar stæði auðmannaflokkurinn í nýfenginni sauðagæru með ungan formann og hirti atkvæði án þess að bera ábyrgð á einu eða neinu.

Fléttan bar vitni pólitísku hugviti. Atburðarásin í þjóðfélaginu almennt, og sérstaklega þó í stjórnarflokkunum tveim, kom Vinstri-grænum til bjargar.

Athugasemdir

[Elín Sigurðardóttir (IP-tala skráð) 24.1.2009 kl. 17:54]

Það var ömurlegt að heyra af þeim Ögmundi og Össuri að krunka saman. Missti alla trú á Vinstri grænum.

[Þór (IP-tala skráð) 24.1.2009 kl. 18:06]

Og hvað er svona ömurlegt við það? Er það ekki yfirlýst markmið VG að koma á laggirnar vintri stjórn? Það eru einkennilega margar órökstuddar dylgjur í garð vinstri grænna í gangi.

[Haraldur Baldursson, 24.1.2009 kl. 18:51]

Það versta sem hægt væri að gera vinstri-grænum núna er stjórnarseta...þeir eru í svo góðum nei-gír að það myndi trufla allt gangverkið.

[Elín Sigurðardóttir (IP-tala skráð) 24.1.2009 kl. 19:19]

Ég hef engan áhuga á því að sjá Össur í næstu stjórn - Þór. Vinstri stimpill tryggir ekki gæðin.