Baugur og birgjar

Síðunni barst bréf þar sem fjallað er um samskipti Baugs við birgja. Bréfið er svohljóðandi:

 

Baugur hefur um árabil kúgað íslenska birgja um betri kjör og framlengt greiðslutímabil þannig að þeir borga talsvert seinna en gengur og gerist enda þarf að nota sjóðstreymið til að borga lán og aðra fjármögnun sem Baugur notar til að komast yfir öll þessi fyrirtæki - heima sem erlendis.

Um daginn kom fram í Bretlandi að Baugur er að ráðast í tug milljarða endurbætur á verslanakeðjunni House of Fraser.

Baugur ætlast til þess að birgjar komi að verulegum hluta að þessari aðgerð sem kostar um 230 milljónir punda. Þeir birgjar sem EKKI samþykkja að vera með fá „óheppileg" verslunarkjör, ef ekki uppsögn á samstarfi. Alveg eins og á Íslandi.

Þegar þú er orðinn stór, þá gerir þú það sem þú vilt... birgjar sem vilja hafa gott sambandi við Baug eiga ENGA aðra kosti en að samþykkja þessi kjör sem þarna koma fram og borga þúsundir milljóna til að fjármagna endurbæturnar. Þeir birgjar sem samþykkja eru „vildarvinir" Baugs. Það er auðvitað stórkostlegt að birgjar sem skaffa vörur þurfi að punga út þúsundum milljóna til að fjármagna innréttingar og endurbætur á verslunum Baugs.

Takið eftir því að í fréttinni kemur fram að Baugur hefur þegar breytt greiðslum til birgja og lengt greiðslutímabilið. Þannig virkar Baugur í raun, notar sjóðsstreymið á þessu langa tímabili og rúllar í næstu verkefni og afborganir. Þeir sem neita geta bara gleymt að eiga viðskipti við Baug.

Alveg eins og á Íslandi. Nú er spurning hvort birgjar á Íslandi séu ekki tilbúnir að koma fram og segja frá kúgunaraðferðum Baugs hér heima. Af nógu er að taka.

Baugsmiðlar birta aldrei svona fréttir.

http://www.telegraph.co.uk/money/main.jhtml?xml=/money/2007/09/11/cnhof111.xml

Athugasemdir

[Ásgeir Kristinn Lárusson, 3.11.2007 kl. 11:37]

Ekki fögur sjón, er blasir við þegar gríman fellur...spurning hvort Baugsmenn fari að hugsa sér til hreyfings, einsog hótað var hér um árið, og flytji starfsemi sína alfarið út fyrir landsteinana?

[Heimir Lárusson Fjeldsted, 3.11.2007 kl. 12:21]

Ég hef bent á þetta árum saman, en enginn tekið undir fyrr en nú.

Æra mín er uppreist.

[Gísli Hjálmar , 3.11.2007 kl. 14:58]

Fyrir um það bil 11 árum vissi ég til þess að Bónus gekk svo langt í kröfum sínum um lækkað matvælaverð að aðili í matvælaframleiðslu í Hafnafirði gat ekki lengur staðið undir þeim verðlækkunum sem Bónus heimtaði og lagði upp laupana.

Annað dæmi sem ég veit um var fiskiverkandi sem fékk reglulega símhringingar frá Bónus þar sem hann var skikkaður til að lækka verð sitt til Bónus vegna þess að það var tilboðs-auglýsing í fjölmiðlum framundan og átti þá verðlækkunin að vara í nokkra daga á meðan auglýsingin var virk.

Það sem er hvað merkilegast er það að Bónus stóð alltaf með Pálmann í höndunum, en framleiðendurnir stóðu undir "kostnaðinum" sem af þessu verð-sukki Bónus hlaust.

... svo kom Jóhannes og gaf 10.000 kr. til mæðrastyrksnefndar og var það á öllum síðum fjölmiðla - að sjálfsögðu!

Þetta síðasta er sagt án ábyrgðar.

[Víðir Ragnarsson, 3.11.2007 kl. 16:06]

Aumingja, vesalings heildsalarnir...

Er þetta ekki bara spurning um að opna söfnunarreikning fyrir stórkaupmenn?

[Heimir Lárusson Fjeldsted, 3.11.2007 kl. 17:10]

Víðir er greinilega illa upplýstur

[Flyer (IP-tala skráð) 4.11.2007 kl. 00:23]

Alveg hárrétt. Baugur hefur um árabil beitt heildsala viðskiptaþvingunum. Enginn má fara neðar í verði en Bónus og það hefur maður svo sannarlega heyrt og orðið vitni að. Aðrar verslanir mega aldrei fara lægra. Þetta er ekkert annað en kúgun af versta tagi. Þeir líta á sig sem heilagar kýr -   Síðan er með ólíkindum hvað fólk trúir öllu sem frá þessu kemur. Vonandi að heildsalar rísi núna upp.  

[Jón (IP-tala skráð) 4.11.2007 kl. 22:54]

Nú er bara spurningin hvort bretar eru jafnmiklir ræflar og íslendingar, þó ég efist nú um að það sé nokkur önnur þjóð í þessum heimi sem lætur fara með sig eins og fífl einsog íslenska þjóðin.

 Eftir 2 mánuði verður þetta allt gleymt og eitthvað nýtt komið og "glugga-kvartararnir" búnir að finna eitthvað nýtt.

Muniði ekki eftir Sýn2 dæminu fyrir nokkrum mánuðum, fólk hafði varla undan við að skiptast á því að Sýn væri okur búlla og bla bla bla, ætlaði að hætta að versla við 365 og alls kyns hótanir gagnvart 365 komu í dagsljósið.

Nú í dag hefur þessi sama stöð vart undan við að taka við nýjum áskrifendum, sömu menn og ætluðu aldrei að versla á ný við 365.

Hver einasti maður með eitthvað vit í kollinum í hinum vestræna heimi hefur einfalt svar við okri, ÞAÐ HÆTTIR AÐ VERSLA VÖRUNA, svo einfalt er þetta, það er það eina sem virkar til þess að varan lækki, en íslendingar einhvern veginn geta ekki tekið upp svona venju, sá hinn sami og gerir það er álitinn vera fífl, asni og hálfviti af hinum sömu og láta okra á sér.

[Kristján P. Gudmundsson, 7.11.2007 kl. 11:02]

Þetta er allt mikil raunasaga, og samt teljum við okkur vera gáfuðustu þjóð í heimi ?!

Með kveðju frá Siglufirði, KPG.