Spyrnt við ofríki auðmanna

Sjálfstæðisflokkurinn virðist vera að ná áttum. Æ fleiri sjálfstæðismenn vilja spyrna við fótum gegn upphleðslu auðs og valda hjá fámennum hópi manna sem kunna sér ekki hóf. Borgarfulltrúar Sjálfstæðisflokksins andæfðu sjálftektinni á eigum Orkuveitunnar og Halldór Blöndal fyrrum þingmaður og ráðherra skrifar varnaðarorð í Morgunblaðið um að almannavaldið haldi vöku sinni.

Stjórnmálaflokkar ættu að vera sverð og skjöldur almennings gegn auðmannaliðinu. Þeir hafa þó sumir brugðist því hlutverki, Framsóknarflokkurinn og Samfylkingin sérstaklega.

Athugasemdir

[Árni Gunnarsson, 22.10.2007 kl. 16:07]

Hér er seint í rassinn gripið.

Kom Guðlaugur Þór nokkuð við sögu í undirbúningi þessarar sameiningar?

[Þórir Kjartansson, 22.10.2007 kl. 17:47]

Það er spurning hvort Sjálfstæðisflokkurinn er að lenda í sömu stöðu og sumir galdramenn fyrri tíma. Það versta sem þeir lentu í var að vekja upp draug, sem snérist svo gegn þeim sjálfum.

[Jensen (IP-tala skráð) 22.10.2007 kl. 22:06]

Í dag var ég að flakka á milli stöðva á útvarpinu,í bílnum.Þar heyrði ég í Birki Jón Jónssyni,framsóknarmanni, á útvarpi Sögu í viðtalsþætti hjá Arnþrúð. iEn þar sagði hann blákalt að í Sjálfstæðisflokknum væru hinir mestu auðhyggjumenn og verndarar heildsalana og að Sjálfstæðisflokkurinn væri verndari peningaaflana í landinu.Tek undir orð Árna Gunnarssonar hér ofar á síðunni. En einhvern tíma heyrði maður að maður eigi aldrei að segja aldrei,(of seint).

[skúmur (IP-tala skráð) 23.10.2007 kl. 00:40]

Ef að Svandísarnefndin klárar vinnuna sín í alvöru,  þá lendir hún á skrifborðinu hans Guðlaugs Þórs.

Eða brotlendir, ef þau hafa ekki bein í nefinu. Þar byrjaði málið.

Persónulega held ég ekki að hann sé óheiðarlegur stjórnmálamaður en þetta mál þarf að skoða frá upphafi. Voru fleiri plataðir en Villi, til dæmis? 

Í flestum siðmenntuðum ríkjum værum við að horfa upp á óháða, þingnefndar- eða lögreglurannsókn.

Til þess að sýna jafnt fram á sekt eða sakleysi ..... fá sannleikann upp á borðið. Eitthvað sem enginn stjórnmálamaður ætti að óttast eða láta trufla störf sín.

[Kristján Pétursson, 26.10.2007 kl. 21:58]

Ekki veit ég hvort Sjálfstæðisfl.í heild sinni sé að ná áttum gegn ofurvaldi auðhyggjunnar,en rétt er að nokkrir lykilmenn flokksins vilja að  "almannavaldið" haldi vöku sinni.Hins vegar hefur enginn flokkur í gegnum tíðina lyft auðmannaklíkunum hærra en einmitt Sjálfstæðisfl.Stundum þurfa menn að líta sér nær í pólutíkinni til að ná áttum.

[Jón Jónsson (IP-tala skráð) 29.10.2007 kl. 10:22]

Þarna kemur fram viðhorf sem á eftir að hafa mikla þýðingu á Íslandi.  Tengsl Íhalds og atvinnulífs/stærstu fyrirtækja er ekki lengur eins og var allt frá upphafi íslenska flokkakerfisins.  Íhald er að missa jarðsambandið í atvinnuhlífnu, er farið að gagnrýna auðmenn, og verður í framtíðinni pópúlistískur hægriflokur, sem sækir fylgi sitt til óánægða mannsins á götunni.  SF á hins vegar eftir að styrkjast, sem valdaflokkur, vegna tengsla sinna við hina nýríku.