Oddaleikur í nótt

Boston Red Sox hafa unnið tvo leiki í röð gegn Cleveland Indians og jafnað úrslitarimmuna um Ameríkudeildina í 3-3. Í nótt er úrslitaleikurinn og fer hann fram á Fenway Park í Boston.

Í gær var þjóðhátíðarstemning í Boston þegar Curt Schilling tók hólinn í gær, en hann brenndi sig í vitund hafnarboltafólks þegar hann spilaði með blæðandi ökklasár 19. október 2004 í leik sex gegn New York Yankees og vann leikinn.

Schilling er kominn á fimmtugsaldur og hendur kastara fara að gefa eftir á þeim aldri. En hann kláraði sjö lotur og var maðurinn á bakvið 12-2 sigur.

Hin hetja kvöldsins var J.D. Drew sem sló alslemmu í fyrstu lotu og færði heimamönnum forystu, 4-0. Drew hefur átt erfitt tímabil en það er allt fyrirgefið núna.

Daisuke Matsuzaka, Dice-K, kastar í nótt fyrir Boston og hann hefur verið mistækur, kippt útaf í fjórðu lotu í leik 3 sem tapaðist.

Það má alltaf vona.

Athugasemdir

[Katrín Frímannsdóttir (IP-tala skráð) 22.10.2007 kl. 17:14]

Og vonin rættist! 11-2 ekki svo slæmt það og nú eru það Klettafjöllin og unglingarnir. Þetta verður skemmtileg "World Series" Hvernig þýðir þú það?

[Páll Vilhjálmsson, 22.10.2007 kl. 17:32]

Sæl Kata, ég hef kalla World Seris Heimsseríuna, en er alveg til í betra orð ef þú lumar á því.

[Katrín Frímannsdóttir (IP-tala skráð) 23.10.2007 kl. 14:30]

Nei, ég hef ekki góða þýðingu á þessu enda hálfgert öfugmæli þar sem restinni af heiminum er ekki boðið til veislunnar og því ekki hægt að kalla þetta heimsmeistarakeppni. Kannski þora þeir ekki að bjóða Kúbu og Japan, þeir gætu reynst hættulegir sjálfsálitinu eins og reyndar sannaðist í fyrravetur ef ég man rétt. Ég hugsa málið.

[Boston Red Sox, 23.10.2007 kl. 23:26]

Jæja, þetta hafðist hjá okkar mönnum.

Nú virðist Wake ekki geta tekið þátt gegn Colorado, hvern viltu sjá í hans stað? Tavarez, Snyder eða jafnvel Clay hinn unga? Julian fær mitt atkvæði.

[Páll Vilhjálmsson, 23.10.2007 kl. 23:46]

já, Dice-K rak af sér slyðruorðið. Tavarez er líklegast öruggasti kosturinn. Ég er þó hálf hissa að sjá ekki nafn Lesters þarna. En Clay væri náttúrulega mest spennandi að sjá; myndi hann bogna, brotna eða standa keikur?