Vísir varðhundur verður kjölturakki

Rafræna Baugsútgáfan Vísir rótaði á laugardag í dagsgömlum viðskiptum Straums-Burðaráss með eigin bréf. Tvær fréttir (hér og hér) á Vísi gefa til kynna að hæstráðendur í Straumi-Burðarási, þeir Björgólfsfeðgar, hafi selt útlendingum fimm prósent af hlutafé bankans með grunsamlegum að ekki sé sagt glæpsamlegum afslætti. Ónafngreindir heimildamenn eru hafðir fyrir ólgu í hluthafahópi bankans vegna 440 milljón króna afsláttar af eigum félagsins til ókunnra útlendinga.

Hlutahafar í Straumi/Burðarás, sem Vísir ræddi við í gær, voru allt annað en sáttir           við þennan gjörning forsvarsmanna bankans og telja hann hafa rýrt verðmæti hans     verulega.

Hér gæti verið áhugaverð afhjúpun á spillingu íslenskra  fjármálamógúla. Hliðarplott í framvindunni væri ímugusturinn sem Baugsmenn hafa á Björgólfsfeðgum fyrir yfirbragð heiðarleika sem þá fyrrnefndu skortir sárlega. En þegar leið á helgina dró úr ákefð Vísis að fletta ofan af sviksamlegum hlutabréfaviðskiptum Straums-Burðaráss.

Varðhundurinn varð að kjölturakka síðdegis á laugardag og birti frétt sem gæti hafa verið skrifuð af Ásgeiri Friðgeirssyni, talsmanni Björgólfsfeðga.

Í fréttinni er látið svo heita að viðskiptin séu sárasaklaus og við erlenda fagfjárfesta, gerð til að efla bankann. Nánast er lofað að gengi bankans muni hækka verulega í framhaldi af fimm prósenta sölunni.

En það má sem sagt ekki segja hverjir keyptu bréfin í Straumi-Burðarás á föstudag með 440 milljón króna afslætti. Það eina sem við þurfum að vita er að allir græða allan tímann.

Athugasemdir

[Baldur Fjölnisson, 20.8.2007 kl. 21:19]

Þeir selja og eftir það hækka bréfin. Þetta eru ákveðin magnviðskipti og geta sem slík varla verið á einhverju toppverði.

"""Ónafngreindir heimildamenn eru hafðir fyrir ólgu í hluthafahópi bankans..."""

komonn hluturinn var á 15 fyrir ári og á 23 fyrir mánuði og núna á 20.

Sjálfur á ég ekki krónu í þessu merka félagi sem hefur eitthvað sexfaldast að markaðsvirði sl. fjögur ár - mjög sennilega ekki síst vegna vitrænnar stjórnunar. Þessir menn eiga auðvitað að taka atvinnugeymslur ríkisins í verktöku með það fyrir augum að útrýma þeim og minnka óhugnanlegar byrðar skattgreiðenda. Þá sæjum við fyrst sannkallaðan megaarð. 

Að lokum legg ég til að seðlabankinn verði þegar í stað fluttur í skúffuna í Landsbankanum þaðan sem hann kom.  

[Árni Gunnarsson, 20.8.2007 kl. 21:29]

Orð í tíma töluð.