Rússneskt neitunarvald í Nató

Úkraínuher tapar tíu til tuttugu ferkílómetrum lands á hverju degi og hefur gert um hríð. Þótt Úkraína sé nær tvöfalt stærri en Þýskaland fer að muna um landið sem Rússar hafa lagt undir sig. Ef ekki tekst að semja frið í þessari atrennu er hætt við að landtaka Rússa mælist í mörgum tugum ferkílómetra á degi hverjum.

Landflæmi er ekki ástæða stríðsins. Aðild Úkraínu að Nató ógnaði öryggi rússneska ríkisins, sögðu Pútín og félagar. Vesturlönd hugðust, með Úkraínu sem verkfæri, setja Rússlandi afarkosti. Með Nató-ríki á öllum vesturlandamærum Rússlands yrði fyrrum stórveldið í heljargreipum Washington og Brussel. Vestrið taldi Kremlarbændur ekki leggja í bein átök og keyrðu áfram Úkraínu-áætlunina þrátt fyrir áköf andmæli Rússa, sem vildu Úkraínu hlutlaust ríki utan hernaðarbandalaga.

Á leiðtogafundi Nató í Búkarest árið 2008, fyrir 17 árum, var tilkynnt að Georgíu og Úkraínu yrði brátt boðin aðild að hernaðarbandalaginu. Í framhaldi varð eitt smástríð, í Georgíu, og annað langvinnt í Úkraínu. Innrás Rússa í febrúar 2022 er afleiðing af misheppnaðri pólitík. Litið um öxl er erfitt að sjá vitið í bægslagangi vesturveldanna. 

Opinbert markmið Rússa með stríðinu er ekki að leggja undir sig land, þótt það geti sjálfsagt verið undirliggjandi tilgangur. Meginmarkmið Rússa er að tryggja að Úkraína verði aldrei Nató-ríki. Þar stendur hnífurinn í kúnni.

Aldrei í sögu Nató hefur þjóðríki utan bandalagsins haft neitunarvald um hvaða ríki skuli fá aðild. Verði Rússum í reynd veitt neitunarvald er Nató ekki sama bandalagið og það áður var. Veikt Nató þjónar verr hagsmunum aðildarþjóða. Ísland verður háðara varnarsamningnum við Bandaríkin frá 1951. Evrópusambandið er ekki í færum veita hervernd á meginlandinu og enn síður á Norður-Atlantshafi.

Úkraínu-áætlun vestursins gekk út á að Nató-aðild héldist í hendur við inngöngu Úkraínu í Evrópusambandið. Trauðla verður Úkraína í bráð ESB-ríki en verður engu að síður pólitískt, siðferðilega og efnahagslega á ábyrgð ESB. Bandaríkin munu ekki axla ábyrgðina, líta á Úkraínu sem evrópskt vandamál.

Friður núna er besti kosturinn. Haldi stríðið áfram stækkar landsvæðið sem Rússar leggja undir sig. Vesturveldin töpuðu óþurftarstríðinu í Úkraínu.

 

 

 

Útilokar ekki að eftirláta Rússum hernumin svæði

Athugasemdir

[Dominus Sanctus., 12.8.2025 kl. 08:41]

Þetta er mjög góð skilgreining hjá þér.

-------------------------------------------

Er þetta ekki bara málið til að koma á friði ?

https://contact.blog.is/blog/vonin/entry/2303559/

[Hallgrímur Hrafn Gíslason, 12.8.2025 kl. 10:18]

Úkraina og Georgía sóttum að ganga í NATO, Leiðtogafundur inn gaf út þessa yfirlýsingu 2008 í Búkarest: NATO fagnar aðildarumsóknum Georgíu og Úkraínu

Á ráðstefnunni í Búkarest fögnuðu bandalagsríkin í NATO aðildarumsóknum Úkraínu og Georgíu á Evró-Atlantshafssvæðinu og samþykktu að þessi lönd yrðu aðildarríki.

Þau voru einnig sammála um að bæði ríkin hefðu lagt verðmætt framlag til aðgerða bandalagsins og fögnuðu lýðræðisumbótum í Úkraínu og Georgíu.

Aðildaráætlunin (MAP) er næsta skref fyrir löndin tvö á beinni leið að aðild.

Bandalagsríkin gerðu það ljóst að þau styðji umsóknir Georgíu og Úkraínu um aðild að MAP. Bandalagsríkin sögðu einnig að NATO myndi nú hefja tímabil öflugra samskipta við bæði löndin á háu pólitísku stigi til að taka á þeim spurningum sem enn eru óleystar varðandi MAP-umsóknir þeirra. Utanríkisráðherrar NATO voru beðnir um að gera fyrsta mat á framvindu á fundi sínum í desember 2008.

[Lárus Ingi Guðmundsson, 12.8.2025 kl. 11:45]

COLATERAL.. VEÐ !!

Vestrið v buið að dæla in pen i ukrainu gegn veðum sem atti að ganga að, þvi stundum gefa Veðin meira i aðra hond heldur en a fa skuldina greidda, en m inngongu ukrainu Esb og nato, þa atti að ræna ukrainu af ollu og gleypa landið i heilum bita með þvi að bua til aðsæður þar sem hægt væri að ganga að veðunum ! 

En nu eru Esb og washingt að vakna við.það sem þ heldu að myndi ekki gerast.... ÞEIR ERU AÐ SJA VEÐIN HVERFA I HENDURN A RUSSUM. 

Sama atti a gera a islandi.. dæla inn peningum fra 2000 til arið 2008 gegn VEÐUM ,,Sem ekki ma tala um ,,  gera island gjaldþrot og taka landið þannig inn i Esb fa peningana þannig inn i kerfið aftur að einhv leyti en siðan GANGA AÐ VEÐUNUM !!!!! Hirða allt sf þjoðinnu sem hægt væri.. Þeir eru ekki hættir. Það a að gera aðra tilraun fra halfu ESB

.

Þetta dreymir þ um að gera i IRAN lika.

Hirða oiluna og gasið m somu aðferð. 

Með hjalp nytsmra sskleysingja eins og þorgerðar 

Katrinar..

Kv

Veðin sem ekki ma tala um.. !