Þorgerður Katrín tekur BYKO á ESB

Björn Bjarnason fyrrverandi ráðherra fylgist með alþingi betur en margur annar. Á síðasta þingdegi, fyrir tveim dögum, tók Björn eftir þessari uppákomu á þjóðþinginu:

Þá sést Þorgerður Katrín ganga snúðug fram hjá ræðustólnum að ráðherrabekknum þingforseta á hægri hönd. Hún biður síðan um orðið í annað skipti um atkvæðagreiðsluna til að benda á að í umræðunum um strandveiðar hafi nú myndast „samhljómur“ um málið: „Eigum við ekki að nýta þennan samhljóm í þágu strandveiða og klára málið annaðhvort í dag eða á morgun?“ spurði utanríkisráðherra og einhver hrópaði Heyr! Heyr! Ráðherrann notaði slagorð BYKO og sagði: „Gerum þetta saman.“ Ríkisstjórnarflokkarnir væru tilbúnir til að klára málið þennan sama dag eða koma til þingfundar 15. júlí til að gera það.

Enginn greip þessa tillögu á lofti. Þetta var lýðskrum í sinni tærustu mynd. Það endurspeglaði taugatitringinn í stjórnarherbúðunum. Forseti alþingis hafði tilkynnt að þingi lyki þennan dag með afgreiðslu þriggja mála auk laga um ríkisborgararétt. Forsetavaldið var lítilsvirt. Við blasti sektarkennd yfir ótrúlegum vandræðagangi og stjórnleysi samkvæmt plani verkstjórnarinnar.

Þorgerður Katrín er utanríkisráðherra. Hún á að heita reyndur og þroskaður stjórnmálamaður. En það er öðru nær. ,,Gerum þetta saman," er auglýsingafrasi BYKO, vel heppnaður bersýnilega. BYKO selur vörur á neytendamarkaði, Þorgerður Katrín er á launum almennings að þjóna hagmundum lands og þjóðar. Utanríkisráðherra er gangandi frasi. Gerum þetta saman, hvort heldur strandveiðar eða aðild að Evrópusambandinu. Auglýsingafrasi byggingavöruverslunar í munni Þorgerðar Katrínar veitir innsýn í hugarheim smekklausrar yfirborðsmennsku.

Frá ESB sækir Þorgerður Katrín frasa að vegna Úkraínustríðsins verði að þétta raðirnar. Kannski hjá ESB, en alls ekki Íslandi. Við eigum enga aðild að stríðinu, það er hvorki í okkar þágu né höfum við minnstu möguleika að hafa áhrif á framvindu hildarleiksins.

Fyrir andstæðinga ESB-aðildar er utanríkisráðherra gulls ígildi. Lítil hætta er á að Þorgerður Katrín sannfæri almenning um að ,,gera það saman" með Evrópusambandinu.

   

Vonar að Evróputengd mál verði ofarlega á blaði

Athugasemdir

[Ragnhildur Kolka, 16.7.2025 kl. 09:30]

Þorgerður tekur handboltann á pólitíkina. Hún er alltaf á leiðinni inn á völlinn með strákunum: gerum þetta saman, þéttum raðirnar,látum þá finna fyrir okkur. Alltaf stefnt til sigurs, sem er kannski ekki besta leiðin til að nálgast málin a hinu pólitíska sviði.

[Grímur Kjartansson, 16.7.2025 kl. 18:54]

Úrsala vill að allir peningar fari í ESB hítina
og er eflaust hæstánægð með Þorgerði Katrínu því í tillögum hennar er ákvæði um að leggja aukaskatt á "stærstu" fyrirtækin í ESB líkt og ÞKG hefur nú þegar gert á Íslandi

• €865 billion for agricultural, fisheries, cohesion and social policy.

• €410 billion for competitiveness, including research and innovation.

• €200 billion for external action, including €100 billion for Ukraine

[Lárus Ingi Guðmundsson, 16.7.2025 kl. 21:15]

Hundar og önnur dýr pissa á svæði til þess að merkja sér þau. 

það er það sem að Ursula er að gera, merkja sér svæði. 

Hundar sofa ekki þar sem að þeir skíta ,, ekki heldur Ursula, sem að er að koma til þess að skíta á islandi, og fara svo heim og sofa í faðmi Esb.