Tímamótadómur: ekkert barn fæðist trans

Enginn nýburi fær þá greiningu að meðvitundin sé í röngum líkama. Í ungbarnaeftirliti er aldrei spurt hvort barnið sé af réttu kyni. Nærtækara væri að spyrja hvort foreldrarnir séu heilir á geði, láti þeir sér detta í hug að barnið sé af röngu kyni.

Kyn er gefin stærð frá náttúrunni. Börn fæðast og eru annað tveggja sveinbarn eða meybarn. Einfaldar grunnstaðreyndir eru staðfestar í dómi hæstaréttar Bandaríkjanna um að rétt og skylt sé að banna misþyrmingu á heilbrigðum líkama barna. Í dómnum segir að grundvallarmunur sé á líffræði karls og konu og lögin verði að endurspegla þá staðreynd. 

Transhugmyndafræðin kennir að sumir fæðist í röngum líkama og umbreyting á heilbrigðum líkama sé nauðsynleg til að barnið fái líkamseinkenni andstæð náttúrulegu kyni barnsins en í samræmi við meint hugarástand þess. Samkvæmt trans er hægt að vera stelpa fyrir helgi en strákur eftir helgi - kallast kynflæði.

Úrskurður hæstaréttar Bandaríkjanna hnígur í sömu átt og nýlegur dómur hæstaréttar Bretlands. Einstaklingur er af öðru hvoru kyninu, er karlkyns eða kvenkyns. Karl verður aldrei kona, hvorki með forskeytinu trans né á annan hátt. 

Líffræðilega og röklega er ómöguleiki að fæðast í röngum líkama. Meðvitundin kemur með líkamanum í heiminn. Ef meðvitund og líkami fara ekki saman þá er eitthvað að meðvitundinni en ekki líkamanum. Úrræðið er geðhjálp, ekki skurðaðgerð.

Um tíma náðu trans-fræðin þeim árangri að sérstakar stofnanir voru settar á laggirnar að umbreyta líkama barna. Tavistock-stofnuninni í Bretlandi var lokað eftir að upp komst að hugmyndafræði en ekki heilbrigðisvísindi réðu ferðinni.

Trans er vúdú, galdralækningar, sem á ekkert skylt við heilbrigðisvísindi eða heilbrigða skynsemi. Transhugmyndafræðin er borin uppi af blætisfólki annars vegar og hins vegar körlum sem kalla sig transkonur og eru iðulega lesbískar.

Sjálfsögð mannréttindi eru að fullorðnir geri það við líkama sinn sem lundinni þjónar, fái sér tattú, ný kynfæri eða limlesti sig á annan hátt. En það ætti að vera jafn sjálfsögð krafa að börnin séu látin í friði.   

 

 

Athugasemdir

[Sigurður Kristján Hjaltested, 19.6.2025 kl. 08:32]

Engvu við þetta að bæta.

[Dominus Sanctus., 19.6.2025 kl. 08:39]

FYRIRMYNDIRINAR SKIPTA MÁLI.

Hverjar eru fyrirmyndir æskunnar  í dag?

Sérðu þær einhversstaðar hérna í dagskránni á rúv? 

https://www.ruv.is/sjonvarp/

------------------------------------------------------------

Gæti verið komin þörf fyrir KRISTILEGAN FLOKK  á ÍSLANDI 

sem að myndi vilja standa vörð um hjónaband karls og konu? 

https://contact.blog.is/blog/vonin/category/36/

[Ragnhildur Kolka, 19.6.2025 kl. 14:55]

Auðvitað má fullorðið fólk gera það sem það vill við líkama sinn. En sumir láta bara nægja að gefa út yfirlýsingar og þá helst þegar þeir þurfa að koma sér undan ábyrgð eins og hann þessi. Almenningur í Skotlandi reis upp þegar yfirlyyst translesbia nauðgaði samføngum í kvennafangelsinu. Nikola Sturgon varð að segja af sér og síðan kom dómur Hæstarétt. 

Hvað skyldi þurfa til að íslenskur almenningur risi upp gegn þessari endemis þvælu?