Þorgerður Katrín færir Ísland nær Evrópustríði

ESB-Evrópa býst við að Úkraína tapi stríðinu við Rússland næstu vikur eða mánuði. Þorgerður Katrín utanríkis sendir Ísland lóðbeint inn í veikburða ESB-Evrópu, sem þarf að glíma við Rússa án stuðnings Bandaríkjanna.

Þýskur fyrrum herforingi, Roland Kather, reglulegur álitsgjafi Die Welt, segir ljóst að Trump ætli ekki í leiðangur með ESB-Evrópu að setja Rússum úrslitakosti og skammt sé í endalokin.

ESB-Evrópa er fangi eigin orðræðu, trúir að Rússland sé í landvinningastríði í vesturátt, Úkraína sé aðeins fyrsti munnbiti bjarnarins í austri. Orðræðan styðst ekki við trúverðugar vísbendingar um að Kremlarbændur ætli sér annað og meira en að sitja yfir hlut Úkraínu - koma í veg fyrir að landið verði Nató-ríki.

Vegna orðræðunnar er stríðsæsingur á meginlandi Evrópu og í Bretlandi. Ráðamenn tala um stórfellda hernaðaruppbygginu næstu ár og áratugi. Það eykur á vanda ESB-Evrópu að skilaboð Trump-stjórnarinnar eru að Bandaríkin ætli sér ekki að sjá um varnir Evrópu, líkt og í kalda stríðinu. Trump stefnir á friðsamleg samskipti við Rússland að loknu Úkraínustríði. ESB-Evrópa er með böggum hildar, þarf að sjá um eigin varnir í fyrsta sinn frá lokum seinna stríðs.

Ljúki Úkraínustríðinu með rússneskum sigri, sem allar líkur eru á, verður ESB-Evrópa í stórkostlegum vanda næstu ár og áratugi - jafnvel þótt Rússar hleypi ekki af einu einasta skoti í vesturátt. Í stórveldapólitík skiptir sköpum ógnin af hernaðarlegri getu andstæðingsins. Í 80 ár hefur Vestur-Evrópa notið bandarískrar herverndar. Ekki lengur. Utanríkispólitík ESB-Evrópu er í uppnámi og verður um langan aldur. Áratugi tekur að byggja upp trúverðugan hernaðarmátt.

Mistök ESB-Evrópu eru þau að ætla sér landvinninga í austri, m.a. með innlimun Úkraínu í ESB, í skjóli bandarísks hernaðarmáttar. Trump-stjórnin vill aftur samstarf við Rússland, ekki freista þess að gera Rússland að vestrænni hjálendu. Gömlu nýlenduveldin á meginlandinu standa nú berskjölduð, hafa engt rússneska björninn til reiði með Bandaríkin sem skálkaskjól.

Í herfræðihugsun sem kallast landapólitík, geó-pólitík á útlensku, er Ísland ekki hluti af Evrópu heldur vesturheimi, Bandaríkjunum og Kanada. Ísland á ekki að tengjast öryggishagsmunum ESB-Evrópu nánari böndum. Okkar þjóðaröryggishagsmunir liggja í vestri, ekki austri. Angist og heimatilbúinn tilvistarótti gömlu nýlenduþjóðanna á meginlandi Evrópu eru ekki okkar mál. 

Löngun ESB-sinna á Íslandi í fyrirmyndarríkið glepur þeim sýn. Utanríkispólitík Íslands á viðsjárverðum tímum þarf að vera edrú, taka mið af pólitískum veruleika, ekki áfengri ímyndun. Þorgerður Katrín utanríkisráðherra er stórhættuleg öryggis- og varnarhagsmunum Íslands. 

EES-ríkin og ESB efla samstarf á sviði öryggismála

Athugasemdir

[Sigurður Kristján Hjaltested, 22.5.2025 kl. 09:55]

Þessi manneskja átti aldrei að fá að snúa aftur í pólitík.

Hún er gjörsamlega siðblind og kann ekki að skammast sín

sem er fylgifiskur siðblindingja, fyrir utan þess að vera

stórhættuleg Íslenskri þjóð.

Hún ásamt manni sínum komu sér undan 2 milljörðum í hrunin með

mjög vafasömum hætti á meðan almenningur var borin út og

margir þurftu að flýja land.

Kannski þeir sem kusu viðreisn séu á sama báti.

Úrslit kosninganna voru ekki til að koma viðreisn til valda.

En það er sama og á við um borgarstjórn Reykjavíkur.

Þetta vinstra lið gerir allt til að halda völdum og þá

skipta lygar engvu máli ef þess þarf.

[Ragnhildur Kolka, 22.5.2025 kl. 12:44]

Þorri almennings lætur sér fátt um finnast; hugsar bara til næstu grillveislu eða sólarinnar á Spáni. Fyrir hann er Evrópa bara samtíningur misáhugaverðra helgarferða. Lítur svo á að þras um pólitík skemmi bara gott partý. Á meðan vélar fámenn klíka í utanríkisráðuneytinu um að koma okkur inn í ESB. Þetta hefði átt að vera hverjum manni ljóst allt frá "kreativum samningum" Össurar til platuppsagnar Gunnars Braga. Síðan þá hefur ástandið bara versnað, því nú leiða ráðherrarnir (núverandi og fyrrverandi) svikin við þjóðina.

Glóbalisminn dó ekki með kosningu Trump. Honum er haldið við af gömlu nýlenduveldunum og nytsömum sakleysingjum eins og þeim sem finnast í utanríkisráðuneyti Íslands.  Og Úkraína,jú Úkraína (til síðasta manns) á að tryggja þeim eilíft líf.

[Helga Kristjánsdóttir, 22.5.2025 kl. 15:16]

 Svakalegt; segja þá pass við plati og plani; Nei ekki "Manni"

[Kristinn Bjarnason, 22.5.2025 kl. 16:55]

Sigurður, ekki gleyma nefskattinum.

[Ásgrímur Hartmannsson, 22.5.2025 kl. 19:43]

Kannski leysa Rússar þetta fyrir okkur með því að nokkrir valdhafar EB detta út um glugga á 8. hæð.  Á afar dularfullan hátt, að sjálfsögðu.

Væri ódýrasta lausnin.