Navalni, Eldur Smári og fréttamat Mbl., Vísis og RÚV

Stóru fjölmiðlarnir hér á Íslandi fjalla um fangelsun rússneskra blaðamanna sem skrifuðu um látinn andstæðing Rússlandsforseta, Alexei Navalni. Mogginn í viðtengdri frétt, einnig Vísir og RÚV gera frétt um stöðu tjáningarfrelsis í Rússlandi. Í gær var á Íslandi efnt til lögregluaðgerðar gegn tjáningarfrelsi sem enginn stóru fjölmiðlanna hér á landi greindu frá.

Tveir lögreglumenn mættu í gær á lögheimili Elds Smára Kristinssonar, formanns Samtakanna 22, á Breiðdalsvík. Ástæðan er kæra Samtakanna 78 til lögreglu um að Eldur Smári hafi talað óvarlega um hinseginfræðin, m.a. gagnrýnt að karlar hefðu ungabörn á brjósti. Ættingi Elds Smára var til svara í Breiðdalsvík og tjáði hann lögreglumönnunum tveim að formaður Samtakanna 22 væri erlendis. Lögreglumennirnir sögðu ættingjanum að Eldur Smári ætti yfir höfði sér handtökutilskipun ef hann gæfi sig ekki fram.

Fréttin er eini fjölmiðillinn sem segir frá lögregluaðgerðinni í gær á Breiðdalsvík þar sem heimilisfriði var raskað til að hafa hendur í hári manns sem hafði tjáð sig með gagnrýnum hætti um transboðskapinn að karlar gætu verið konur og gefið ungabörnum brjóst. Eldur Smári er samkynhneigður maður, hommi, sem telur að Samtökin 78, upphaflega stofnuð af samkynhneigðum, séu gengin fyrir björg í transáróðri. Fyrir það er hann kærður og fær í ofanálag heimsókn lögreglu sem hefur í hótunum.

Í umfjöllun Fréttarinnar kemur fram að lögmaður Elds Smára hafi síðustu vikur og mánuði verið í reglulegum samskiptum við lögregluna. Ekki er að sjá af þeirri umfjöllun að Eldur Smári hafi nokkru sinni neitað að mæta í skýrslutöku hjá lögreglu.

Lögregluheimsóknin í Breiðdalsvík vekur upp margar spurningar um stöðu tjáningarfrelsisins á Ísland. Stóru fjölmiðlarnir íslensku þegja, eru uppteknari af málfrelsinu í Rússlandi en í túnfætinum heima. Eru Samtökin 78 skuggastjórnandi íslenskra fjölmiðla?

Sex ára fangelsi vegna umfjöllunar um Navalní

Athugasemdir

[Dominus Sanctus., 16.4.2025 kl. 08:22]

Mér sýnnist að ástandið á íslandi sé orðið eins og í HUNGER-GAMES ;

Þar náði gaypridegöngu-fólkið heimsyfirráunum:

Þau náðu alþingishúsinu,Háskólanum, Lögreglunni og fjölmiðlunum.

https://www.dailymotion.com/video/x9fqgzc

[Helga Dögg Sverrisdóttir, 16.4.2025 kl. 08:33]

Það er ljóst að fréttamenn Ruv eru í herferð fyrir trans Samtökin 78 eins og sjá mátti af fréttinni með kynningarstjóra þeirra. Engar gagnrýnar spurningar til Þorbjargar.

Fréttamaður á Ruv spyr ekki hvaða mannréttindi eru skert - formannslif.blog.is

[Sigurður Kristján Hjaltested, 16.4.2025 kl. 10:09]

Og svo er borið á borð fyrir okkur að bakslag sé komið

í réttindabaráttu hinsegins fólks. Skilur það ekki

að venjulegu fólki er ofboðið og búið að fá uppí kok

af þessu kjaftæði og þar af leiðandi hættir að sýna

þessu fólki samstöðu.

Líffræðinni verður aldrei breytt. Karl er karl og

kona er kona. Annað er bara hugmyndafræðilegt rugl

og þeir sem telja annað þurfa á sálfræðihjálp að halda.

[Grímur Kjartansson, 16.4.2025 kl. 10:50]

Mér skilst að það sé orðið eitt helsta verkefni lögreglunnar í Bretlandi að leita uppi ummæli sem hugsanlega mætti túlka sem hatursorðræðu og þó svo að einungis örfá þessara mála endi með sakfellingu þá skal áfram haldið til að lögreglurannsóknir nýtist til fæla fólk frá að tjá sína skoðun

"With complete disregard for free speech, since 2014 U.K. police have kept a database of people whose speech is perceived as ‘motivated by a hostility’ to race, gender, or other protected categories."