Trans er menningarrán karla á konum

Máli hvítur maður sig svartan og þykist þeldökkur kallast það menningarrán og þykir, í flestum tilvikum, vanvirðing við hörundsdökka ef ekki verra. Á útlenskunni er talað um cultural appropriation. Á okkar ylhýra er orðið menningarnám, sbr. hernám, eða menningarrán sem er meira lýsandi.

Menningarrán er þegar einhver í yfirburðastöðu tekur sér einkenni eða ásýnd jaðarhóps, til nytja eða skemmtunar. Fáir mæla menningarráni bót. Undantekningin er trans, þar sem karlar menningarræna konur.

Karlar sem þykjast konur krefjast aðgangs að búningsklefum kvenna í íþróttahúsum og sundlaugum. Þeir fara inn á kvennasalerni með þeim rökum að karli sem líður eins og konu eigi þar heima. Karlar í konulíki heimta að keppa við konur í íþróttum, vel vitandi um líkamlega yfirburði. Karlar sem transa sig í konu og brjóta af sér krefjast afplánunar í kvennafangelsi. Umbreytingin gerist iðulega eftir afbrot en fyrir dóm. Langt leiddir í transinu mæta sumir karlar á kvennadeildir sjúkrahúsa í legskoðun.

Þótt trans sé tvístefna, karlar geti orðið konur og konur karlar, er menningarránið einstefna karla. Engar konur, sem þykjast karlar, mæta staffírugar í búningsklefa karla. Þær ryðjast heldur ekki inn á karlaklósett að gera þarfir sínar. Enn síður að konukarlar etji kappi við karla í íþróttum; sennilega eru þær fáar sem fara á heilsugæsluna vegna pungsigs. Ekki mynda hvarfla að konu í karllíki að krefjast afplánunar í karlafangelsi.

Freki kallinn í dag er karlkona sem stundar menningarrán á konum. 

Karlarnir, sem þykjast konur, og stunda menningarránið, segjast eiga bágt. Að þeir hafi fæðst í röngum líkama. En það er ómöguleiki. Meðvitundin fæðist með líkamanum, kemur ekki sérpöntuð. Karlkonur hafa einfaldlega tileinkað sér ranghugmynd, að kyn sé huglægt ástand en ekki líkamleg staðreynd. 

Ranghugmyndir, hvort heldur valkvæðar eða afleiðing geðröskunar, eru sannanlega bágindi. Lækningin er ekki að samfélagið tileinki sér ranghugmyndina, heldur hin að leiðrétta og útskýra muninn á ímyndun og hlutlægum veruleika. Ekki undir nokkrum kringumstæðum ætti að kenna börnum í leik- og grunnskólum þá firru að möguleiki sé að fæðast í röngum líkama. Kyn er meðfætt og er annað tveggja karl- eða kvenkyn. Enginn nýburi er af röngu kyni. 

Í viðtengdri frétt er sagt frá manneskju sem einu sinni var, að eigin sögn, ,,stór og sterkur, myndarlegur" karl. En nú er karlinn transkona, heitir Alexandra Briem og er borgarfulltrúi Pírata. Alexandra, samkvæmt fréttinni, þandi brjóstkassann, kreppti hnefana og öskraði á konu. Eitruð karlmennska í kvenlíki.

Misbauð hegðun borgarfulltrúa: „Ég biðst afsökunar“

Athugasemdir

[Sigurður Kristján Hjaltested, 29.3.2025 kl. 15:03]

Frábær pistill að venju hjá þér Páll

og hverju orði sannara.

[Geir Ágústsson, 29.3.2025 kl. 15:33]

Þetta eru fín skrif.

Gleymum svo ekki að það er til ágætt orð, blæti, þar sem einstaklingar örva sig kynferðislega með ýmsum hugrenningum án þess að ætlast til að allur heimurinn skrifi undir að hafa sama blæti, en samþykki samt að viðkomandi hafi það.

https://islenskordabok.arnastofnun.is/ord/61496

Þannig gæti borgarfulltrúi sagt: Ég er með blæti, og vill sem karlmaður kalla mig konu því það örvar mig. 

Er ekki viss um að nokkur myndi nenna að mynda sér einhverja neikvæða skoðun á því, aðra en að segja: Ok.

[Ingólfur Sigurðsson, 30.3.2025 kl. 00:58]

Kristnin kennir ákveðna svarthvíta heimsmynd, synd og frómleika, rétt og rangt og ekkert þar á milli. Heiðin trúarbrögð leyfa regnboganum að ríkja og allskonar grátónum efasemda. 

Sennilega vill meirihluti almennings láta aðra hugsa fyrir sig og láta aðra stjórna sér. Það eru þessir sem segja "OK" eins og Geir vísar í, en þetta "OK" snýst bara um ólíka hluti, kristni eða wókisma, eða fleira.

Samkvæmt bókstafstrú og hefðbundinni kristni er maður skyldugur að mynda sér neikvæða skoðun á því sem Biblían fordæmir - eða þeir sem túlka og eru prestar eða þannig.

Það myndi ég halda að færi út fyrir skilgreiningu á blæti þegar allir í samfélaginu eiga að hlýða því, og nauðsynlegt er að beita læknisfræðilegum aðferðum til að framfylgja því. Þá er þetta einhver samfélagsleg hreyfing sem hefur fengið völd. Því sjáum við þessi heiftarlegu viðbrögð í Bandaríkjunum og víðar, að grunntækar breytingar eru að verða sem mjög margir sætta sig ekki við.

Við sem kristin þjóð verðum annaðhvort að kasta kristninni opinberlega eða vera bókstafstrúar. Er sammála Guðmundi Erni með það.