Lögreglan: gyðingahatur í lagi, en ekki gagnrýni á trans í leikskólum

Í viðtengdri frétt kemur fram að maður hér á landi, Ibaa Ben Hos­heyeh, hafi birt

mynd af Face­book-síðu sinni þar sem hvatt er til drápa á gyðing­um hvar sem til þeirra næðist og lík þeirra sví­virt. Sagði hann þá af­kvæmi svína og apa ásamt því að ausa yfir þá sví­v­irðing­um af ýms­um toga.

Lögreglunni í Reykjavík datt ekki í hug að rannsaka til ákæru Ibaa Ben Hos­heyeh fyrir brot á gr. 233 a almennra hegningarlaga sem hljóðar svo:

Hver sem opinberlega hæðist að, rógber, smánar eða ógnar manni eða hópi manna með ummælum eða annars konar tjáningu, svo sem með myndum eða táknum, vegna þjóðernisuppruna eða þjóðlegs uppruna, litarháttar, kynþáttar, trúarbragða, fötlunar, kyneinkenna, kynhneigðar eða kynvitundar, eða breiðir slíkt út, skal sæta sektum eða fangelsi allt að 2 árum.

 

Tilfallandi þekkir vel til hvernig lögreglustjórinn í Reykjavík beitir umræddri lagagrein. Hann gagnrýndi transinnrætingu í leik- og grunnskólum og fékk óðara á sig ákæru frá lögreglustjóra höfuðborgarinnar. 

Gyðingahatur fyrir opnum tjöldum, manndrápshótanir og afmennskun, eru frjáls tjáning samkvæmt lögreglunni í Reykjavík. En vei þeim er andmæla transhugmyndafræðinni, þeir skulu sæta ákæru.

Tilfallandi veltir fyrir sér að skipta um nafn, skrá sig sem Múhameð Vilhjálmsson í þjóðskrá. Þannig er tryggð friðhelgi gagnvart valkvæðu ákæruvaldi lögreglunnar í Reykjavík.

Lögreglustjóri gerður afturreka í þrígang

Athugasemdir

[Ómar Geirsson, 19.3.2025 kl. 09:09]

Blessaður Páll.

Napur er sannleikurinn í þessum pistli þínum.

Þó í hæðni sé sagt þá þætti mér það samt miður ef svipuhögg Rétttrúnaðarins fengju breytt Páli í Múhameð.

Pálína gæti sloppið og þar með yrðir þú ekki síður heilög kýr en Múhameð, Páll er hins vegar ágætt nafn.

Og það þekkja margir þennan Pál, það hafa eyru mín numið á almannafæri, almenningur kann að meta þá sem ljá honum rödd.

En þegar raddir eru ofsóttar á tímum valkvæðs ákæruvalds Rétttrúnaðarins, þá skilur maður vel að menn hugsi sinn gang.  Það er auðveldara að biðja menn um píslarvætti en að upplifa það sjálfur.

Gangi þér vel Páll.

Kveðja að austan.

[Ragnhildur Kolka, 19.3.2025 kl. 09:17]

Er íslenska lögreglan að falla í sama far og lögreglan í Rotherham? Þar hafa hopnaudganir á börnum átt sér stað án nokkurra viðbragða frá lögreglu af ótta hennar við ásökunum um kynþáttahatur. Kannski er það líka ástæðan fyrir aðgerðaleysinu í ofbeldismálunum í Breiðholtsskóla. Viðbragðið virðist það sama og í Rotherham.

Biddu með að skrá nafnabreytingu á Páll, við þurfum ekki fleiri ofbeldismenn hér á landi. 

[Grímur Kjartansson, 19.3.2025 kl. 10:51]

Það hefur löngum verið á Íslandi munur á meðhöndlun á Jóni og séra Jóni

Gætir þú ekki bara frekar farið að kalla þig séra Páll