Selenskí vildi selja Úkraínu í ágúst í fyrra

Hugmyndin um að selja Bandaríkjunum aðgang að náttúruauðlindum Úkraínu, einkum fágætum málmum, kom fram í ágúst í fyrra, þrem mánuðum áður en Trump var kjörinn forseti. Selenskí Úkraínuforseti falbauð náttúruauðlindir landsins í samtali við tvo bandaríska öldungardeildarþingmenn sem heimsóttu Kænugarð.

Þingmennirnir Richard Blumenthal og Lindsey Graham gáfu út yfirlýsingu 12. ágúst í fyrra eftir heimboð hjá Selenskí í Úkraínu. Í yfirlýsingunni segir m.a.

Selenskí forseti var áhugasamur og viljugur að gera samkomulag við Bandaríkin um fágæta málma í úkraínskri jörð að verðmæti trilljóna dollara

Alþjóðlegar fréttastofur sögðu frá tilboði Selenskí um framsal á náttúruauðlindum landsins til að tryggja áframhaldandi stuðning frá Bandaríkjunum.

Trump, sem tók við embætti 5 mánuðum eftir tilboð Selenskí, leggur áherslu á að Úkraínuforseti efni vilyrðið sem hann gaf bandarískum öldungardeildarþingmönnum í ágúst á liðnu ári. Tilgangur Trump með auðlindakröfum liggur ekki í augum upp.

Drjúgur hluti af meintum fágætum málmum eru í austurhluta Úkraínu. Rússar sitja austurhéruð Úkraínu.

Mögulegt er að Trump hyggist tryggja bandarískt eignarhald á náttúruauðlindum Úkraínu fari svo að ekkert verði af friðarumleitunum við Rússland og stríðsátök blossi upp af endurnýjuðum krafti og auknum bandarískum stuðningi. Sé það tilfellið gjaldfellir Trump eigin friðarboðskap um að tilgangslausum blóðsúthellingum verði að linna. Boðskapurinn yrði drepum til að græða. Menn fá ekki friðarverðlaun Nóbels fyrir það hugarfar.

Önnur skýring gæti verið að mögulegt samkomulag sé gildra fyrir Selenskí. Framselji Úkraínuforseti náttúruauðlindir landsins til annarra ríkja grefur það undan trúverðugleika forsetans - sem raunar þegar hefur boðið afsögn sína.

Þjarkið um ágóða af náttúruauðlindum sýnir Úkraínustríðið í hrárra og harðneskjulegra ljósi en reynt var að selja það á vesturlöndum; sem baráttu fyrir fullveldi og sjálfsákvörðunarrétti.

Alþjóðpólitík færist nær lögmálum frumskógarins.

 

Endurgreiðsla úr úkraínskri jörð

Athugasemdir

[Ragnhildur Kolka, 26.2.2025 kl. 09:06]

Trump getur allt eins samið við Putin um þessa sjaldgæfu málma, því þá þyrfti hann ekki að leggja í kostnað til að grafa þá upp.

En varðandi sölu á landi, þá er Zelenski nú þegar búin að selja obban af ræktarlandið til BlackRock. Þar stendur tilvonandi kanslari Þýskalands vel að vígi sem fyrrverandi stjórnarmaður í fyrirtækinu. Kornið kemur altent í hlut Þýskalands.

Hægri sveiflan í Þýskalandi hefur ekki breytt neinu í stefnu landsins. Með samningi við SPD mun globalisminn ríkja þar áfram. Eða hvað segir þú Páll?

[Páll Vilhjálmsson, 26.2.2025 kl. 10:43]

Á meðan AfD er utan stjórnar í Þýskalandi verða tæplega breytingar á stjórnarstefnunni nema að því marki sem hún er gerð til að viðurkenna að fimmtungur landsmanna styður AfD.

[Lárus Ingi Guðmundsson, 26.2.2025 kl. 19:27]

zelenski minni um margt á Jesus krist ,, þar sem að ákveðnir aðilar halda að hann sé komin til jarðarinnar aftur til þess að FRELSLA HEIMINN ,, og þá bjóða follki kraftaverk og kraftaverkin eiga að felast í þvi að frelsa allan heiminn frá vonda manninum i Moskvu. 

það eru margir sem að líta á zelensky sem hin nýja boðbera frelsins. 

Jesus sagði, við seinustu kvöldmáltíðina ,, EINN AF YÐUR MUN SVÍKJA MIG !!!

Hver munu seinustu orð ZELENSKY  vera <????

það kæmi mer ekki á óvart, að leynsi þjónuta Usa, eða ESB, muni drepa zelensky og reyna að láta lita út fyrir að Russar væru að verki, til þess að spilla fyrir. 

Saab ,, er búin að græða 1, 300 miljarðar á vopnaskakimnu i Ukrainu. 

Black rock er búið að sösla undir síg gríðarlegt landsvæði af ukrainsku þjóðinni. 

það hefðu þeir ekki getað gert, nema bara að þvi að það er stríð í landinu. 

Einhverjir fá bita af kökunni. 

Ukrainu er í dag, ein stærsta miðstoð fyrir SÍMASVINDL  Miljónir úthringingja og hundrið símavera eri í gangi í Ukrainu, og er talið að upphæðirnar sem að þeir hafi náð inn, sé um 300 bíljonir ,, svo stór er upphæðin. 

það vorkenna allir svo mikið ukrainu, þannig að verður auðtrúa. 

Trump ,,  Hagsmunir vatikansins eru eitt og hagsminir Usa er annað. 

Washington dc er KAÞÓLSKA KIRKJAN. 

þarna verður Trump að feta varlega slóðan, þvi annars, þá getur farið fyrur honum eins og John F kenedy. 

KV

LIG

[Theódór Norðkvist, 27.2.2025 kl. 22:47]

https://www.svt.se/nyheter/utrikes/experter-ukraina-har-inte-de-sallsynta-jordartsmetaller-som-namns

Þessir málmar eru ekki til, eða í það litlu magni að það svarar ekki kostnaði að grafa þá upp.

Trumparinn er í álíka litlum tengslum við raunveruleikann varðandi meinta eign Úkraínu á svokölluðum sjaldgæfum málmtegundum eins og í flestum öðrum málum.