Kvennajól í fullri auðmýkt

Er Ísland kvennaríki? spyr RÚV í tilefni af valkyrjustjórn þriggja kvenna. Segir síðan:

Forseti Íslands og forsætisráðherra eru konur. Konur eru í meirihluta í ríkisstjórn Íslands. Biskup Íslands er kona sem og ríkislögreglustjóri og ríkissaksóknari.

Til að svara spurningu RÚV er vitanlega fengin kona. Þorgerður Jennýjardóttir Einarsdóttir, prófessor í kynjafræði við Háskóla Íslands segir karla enn þvælast fyrir, einkum og sérstaklega í viðskiptum og efnahagsmálum.

Það verður munur þegar konurnar ná yfirhöndinni í einkageiranum, þar sem peninga er aflað. Núna raða þær sér helst í valdastöður þeim megin borðsins sem fjármunum er eytt.

Þorgerður segir konur umgangast vald af meiri auðmýkt en karlar. Svona eins og Sigríður Friðjónsdóttir ríkissaksóknari.

Gleðileg jól, konur sem karlar.

Athugasemdir

[Gunnlaugur Halldór Halldórsson, 24.12.2024 kl. 14:58]

Já vinur minn. Best að láta konur stjórna að mínu mati

Gleðileg Jól

[Sigurður I B Guðmundsson, 24.12.2024 kl. 15:10]

Þorgerður hefði nú getað komið með betra dæmi en Sigríði. Gleðileg jól og þakka þér fyrir öll þín blogg og vonandi heldur þú áfram að blogga á nýju ári. 

[Sigurður Kristján Hjaltested, 24.12.2024 kl. 15:30]

Þorgeður kúlulána drottning sýndi líka mikla auðmýkt þegar hún kom skuldum

manns síns og hennar yfir á þjóðina.

Krisrún lukkupotts drottning sýndi einnig mikla auðmýkt þegar

hún reyndi að svíkja undan skatti.

Flestir aðrir sem reyna slíka auðmýkt fá á sig dóma.

En það á kannski bara við karla.

Gleðileg Jól

[Grímur Kjartansson, 24.12.2024 kl. 21:12]

Núverandi dómsmálaráðherra er líkt og fyrrverandi dómsmálaráðherra - kona

núverandi segir að embætti ríkissaksóknara verði að njóta trausts

núverandi ríkissaksóknari - sem er kona 

nýtur ekki trausts

[Ragnhildur Kolka, 26.12.2024 kl. 09:11]

Gleðileg jól Páll og kærar þakkir fyrir alla umræðuna. Sérstaklega þá sem engin annar tekur.