Tvö vók-mál steindauð, kjósum rétt

Helstu álitamál kosninganna varða heilbrigði, skatta, útlendinga, samgöngur og húsnæði. Hálfdauð mál eru atvinna (enda ekkert atvinnuleysi), stjórnarskrá (gamalt hrunmál) og ESB (dautt hross í boði Viðreisnar). Sjávarútvegur telst einnig til hálfdauðra máli enda fátt um fína drætti á Namibíu-deild RÚV fyrir þessar kosningar.

Félagsvísindastofnun kannaði og greindi hvaða mál voru á dagskrá kjósenda, hver illa eða alls ekki. Tvö stór vók-mál komust ekki einu sinni á listann og hafa þó á liðnum árum verið frek til fjörsins í opinberri umræðu.  

Steindauðu vók-dagskrárliðirnir eru loftslagsmál og trans. Í báðum tilfellum aktívistamál síðustu tíu til 15 ára. Vinstriflokkarnir gerðu út á loftslagsdauða mannkyns á næstu árum og vildu fyrir alla muni að fólk hrykki ekki upp af í sínu meðfædda kyni. Vertu lík af öðru kyni, er slagorðið sem sameinar trans og hamfaratrú.

Málaflokkarnir loftslag og trans eru þó ekki dauðir úr öllum æðum. Enn leynist líf í hjárænunni. Í gær var sagt frá sjö félagasamtökum sem krefjast fangelsisdóma yfir þá sem kaupa ekki vókið og leyfa sér að andmæla. Kven­rétt­inda­fé­lag Íslands, Barna­heill, Trans Ísland, Stíga­mót, Geðhjálp, UNICEF og Samtökin 78 eru öll á ríkisspena. Undir yfirskini mannúðar boða samtökin bábiljur um að hægt sé að fæðast í röngum líkama. Vei þeim sem taka ekki gilda og góða fáviskuna.   

Á kjördegi er rétt að hafa í huga að hatrömmustu andstæðingar frjálsrar orðræðu eru vinstrimenn og flokkar þeirra. Tryggjum tjáningarfrelsið og kjósum til hægri.

Athugasemdir

[Grímur Kjartansson, 30.11.2024 kl. 10:27]

Það þarf skatta til að reka þjóðfélagið - fáir sem mótmæla því
En Vinstri vill líka nýta skattstofna til að "jafna" kjör almennings og ekki bara á Íslandi heldur í öllum heiminum með himinháum COPXX greiðslum til þjóða sem skilgreind voru sem "vanþróuð" 1992 en þar á meðal eru auðugar þjóðir einsog Kína og Sadí Arabía

[Ragnhildur Kolka, 30.11.2024 kl. 15:36]

Svandís gerði nú tilraun til að berja líf í kvennahreifinguna í kappræðunum í gær en gekk ekkert. Mýtan um allt umvefjandi umhyggju kvenna í pólitík dó drottni sínum þegar herskáar kellingar stigu fram á sviðið og fólk sá, berum augum, Von der Layen, Sönnu Marinu, Kari Kallas, Mette litlu Fredriksen og okkar eigin Þórdísi Kolbrúnu kalla eftir fleiri og virkari vopnum svo drepa megi blóma úkraínskra borgara á skilvirkari hátt. Blóðþorstinn er óseðjandi.

En tek undir kjósum til hægri, því þar liggur leiðin til friðsællra lífs.