Sjö félagasamtök gegn tjáningarfrelsi

Oddviti Lýðræðisflokksins á Norðurlandi eystra, Eld­ur Smári Krist­ins­son, formaður Sam­tak­anna 22, er boðaður á lögreglustöð í dag, degi fyrir kosningar, þar sem stendur til að ákæra hann fyrir hatursorðræðu. Kærandi er Samtökin 78.

Í viðtengdri frétt skrifa sjö félagasamtök upp á yfirlýsingu um að ólýðræðislegt sé að andmæla vók og trans. Vók er almenna heitið á pólitískum rétttrúnaði sem m.a. kennir transhugmyndafræði. Hornsteinn þeirrar hugmyndafræði er trúarsetningin að sumir fæðast í röngu kyni. En það er óvart ómöguleiki. Meðvitund og líkami nýbura er óaðskiljanleg heild. Enginn fæðist í röngu kyni og kynin eru aðeins tvö.

Eitt er að trúa á bábiljur, annað er krefjast að andmæli gegn trúarkreddunni séu bönnuð að viðlagðri refsingu.

Félagasamtökin sem standa að yfirlýsingunni um að banna skuli frjálsa orðræðu til að móðga ekki sértrúarhóp eru Sam­tök­in 78, Kven­rétt­inda­fé­lag Íslands, Barna­heill, Trans Ísland, Stíga­mót, Geðhjálp og UNICEF. 

Tilfallandi var ákærður fyrir mánuði vegna þess að hann andmælti trans í skólum. Ákæran sem Eldur Smári stendur frammi fyrir er af sama toga. Tilfallandi veit til þess að a.m.k. einn annar hefur verið kallaður í yfirheyrslu lögreglu af sama tilefni.

Ef þessi aðför að tjáningarfrelsi borgaranna heppnast er andrými til frjálsra skoðanaskipta stórum skert. Skrefin í átt að lögregluríki eru kannski hænuskref, en skref samt.

„Grafalvarlegt að logið sé að kjósendum“

Athugasemdir

[Jón Magnússon, 29.11.2024 kl. 12:03]

Þetta er enn ein atlagan að tjáningarfrelsinu.  Eins og lögreglan hafi ekki eitthvað þarfara að gera en að hundelta fólk, sem gerir grein fyrir líffræðilegum staðreyndum með eðlilegum hætti.  Einhver hefði talið það óhugsandi í lok síðustu aldar, að árið 2024 yrði fólk að svara til saka í lýðræðisríkjum vegna ummæla sinna sem eiga erindi til almennings og það í kosningabaráttu. Fordæmanlegt. 

[Jóhann Elíasson, 30.11.2024 kl. 06:38]

Það besta sem fólk getur gert til að mótmæla þessu ER AÐ KJÓS LÝÐRÆÐISFLOKKINN Í KOSNINGUNUM Á EFTIR.........

[Sigurður Þorsteinsson, 30.11.2024 kl. 09:52]

Aðför að lýðræðinu er grafalvarlegt mál. Það er ekkert einkamál eins stjórnmálaflokks. Í eitt sinn bloggaði ég og sagði að skrif Þórðar Snæs Júlíussonar sem þá gaf sig út fyrir að vera afar hlutlaus blaðamáður, væri afar lituð ritningu Samfylkingarinnar. Ég fékk þau skilaboð frá Þórði að ef ég bæði hann ekki afsökunar myndi hann senda málið til lögfræðings og kæra mig fyrir rógburð. Í ljósi þess heilagleika sem síðrar hefur komið fram, er hótunin frekar brosleg. Í annað sinn hafði ég samband við þá þekktan fjölmiðamann og benti honum á að ákveðin niðskrif um einstakling væri ekki byggð á staðreyndum í málinu. Hann sagði við mig að ef ég héldi mig ekki frá málinu, myndi hann finna eitthvað á mig til þess að taka af mér æruna, og ef hann findi það ekki myndi hann búa það til. Var þá rétt að fara inn á fund með afburða fjölmiðlamönnum og sagði þeim frá hótuninni án þess að geta nafns fjölmiðlamannsins. Þeir skellihlógu og sögðu varstu að tala við... Hann er þekktur fyrir svona hótanir. Páll baráttukveðjur!