Þórður Snær um smiði, pípara og Kristrúnu

Sakborningur í byrlunar- og símamálinu, Þórður Snær Júlíusson, fyrrum ritstjóri Heimildarinnar, blandar sér í umræðuna fjármagnstekjur. Þórður Snær er frambjóðandi Samfylkingar, situr í þriðja sæti á lista flokksins í Reykjavík-norður. Kristrún formaður er í fyrsta sæti.

Þórður Snær gagnrýnir á X þá framsetningu að Samfylkingin hyggst auka skattbyrði einyrkja, s.s. hársnyrta, smiða og pípara. Kristrún formaður Samfylkingar var ekki einyrki heldur starfaði hún hjá Kviku banka og taldi fram hluta launa sinna sem fjármagnstekjur. Þannig lækkaði hún skattbyrði sína:

Kristrún Frostadóttir varð uppvís að skattsvikum vorið 2023. Hún taldi fram 101 milljón króna sem fjármagnstekjur en ekki launatekjur. Með röngu framtali lækkaði Kristrún skatta sína um 25 milljónir króna.

Þórður Snær, Kristrún og skattafylkingin ættu kannski að líta í eigin barm og fylgja landslögum áður en lagt er til atlögu við heiðarlegt launafólk.

Munu skattleggja hárgreiðslufólk, smiði og pípara

Athugasemdir

[Kristinn Bjarnason, 10.11.2024 kl. 09:20]

Að bjóða upp á sakborning, skattsvikara og covid glæpagengi í fremstu röð er sérstakt. Það virðist aldeilis ætla að taka tíman að viðurkenna að það var eitrað fyrir okkur vísvitandi. Fylgi samfylkingar hlítur að vera helstu bótaþegar landssins því enginn venjulegur vill láta hækka skatta.

Hærri skattar, verri lífskjör. Ef fólk vill breytingar þá er mögulega einn í boði sem þorir að standa í lappirnar og gera það sem þarf til að leiðrétta versnandi lífskjör. Er fólk virkilega ekki orðið þreytt á innantómum loforðum sem aldrei verður staðið við?

[Grímur Kjartansson, 10.11.2024 kl. 22:40]

Samfylkingin er einfaldlega ekki trúverðug

og svo skil ég þar að auki þetta "plan" sem þau eru alltaf að tala um

[Jón Magnússon, 11.11.2024 kl. 08:00]

Skrýtið að aðhald og sparnaður skuli ekki eiga við í pólitík í dag. Það er þó brýnasta verkefni stjórnmálamanna næstu árin. Því miður þá eru væntingar samfélagsins til formanns Samfylkingarinnar mörgum númerum of stórar. En afleiðingarnar koma í ljós á næsta kjörtímabili fari svo sem horfir. 

[Anna Björg Hjartardóttir, 11.11.2024 kl. 08:59]

Hvert er hið mikla "plan" Samfylkingarinnar sem er auglýst en ekki kynnt. Þó er að koma í ljós að það bendir allt til það planið sé samhljóma markmiðum "World Economic Forum" plan loftslags- og fjármagnselítu heimsins. Ofurskattar á millistéttina.  Bann við nýskráningu bensín-og díselbila 2025 er eitt. Fleira eins og skilgreining á krísuástandi, yirlýst skoðun dugar og þarf engar sannanir til að réttlæta t.d afnám mannréttinda- og eignaréttar, þetta varðar yfirlýsingu formanns Samfylkingarinnar um tómar eignir eða eignir í skammtímaleigu. Ýjar að eignaupptöku sem lausn á húsnæðiskrísunni þó eignarétturinn sé lögvarin réttur. Það einkennir öll geræðisöfl að lög skifta þau engu frammi fyrir þeirra plönum.